چاونیوز: دوو هاونیشتمانی لە شارەکانی بانە و مهاباد لەلایەن هێزە ئیتلاعاتییەکانەوە دەسبەسەر کران.

بەپێی هەواڵی گەیشتوو بە چاونیوز، لە درێژەی ڕەشبگیریی خەڵکی کورد، لەماوەی چەند ڕۆژی ڕابردوودا هێزە ئیتلاعاتییەکان لە شاری مهاباد هێرش دەکەنە سەر ماڵی هاونیشتمانییەک بەناوی شەهاب ئەحمەدی و بەبێ پێشاندانی بەڵگەی قەزایی ناوبراو دەسبەسەر دەکەن.

لە هەمان کاتدا و لە شاری بانە هاونیشتمانییەک بەناوی ئیدریس ئەحمەدی لەلایەن هێزە ئەمنییەتییەکان قۆڵبەست کرا.