۳۰ی خاکەلێوەی ساڵی ۱۴۰۰ ھەتاوی
آموزش وردپرس

‌ وانەکانی مافی مرۆڤ بەشی (٢٥) شاروخ حەسەنزادە

درێژەی بەشی بیست و چوار…

مێژووی ڕەوتی نووسینەوەی یاساکانی مافی مرۆڤ.

مافەیەلی بنیام چەمکێکە کە تەمەنی بە درێژای ژیانی مرۆڤە، هەبوونی بەشێک لە مافەکان لەهەمبەر مرۆڤ بوون؛ لە بەشی هەرەزۆری ژیار و شارستانییەتەکان، ئایدیا و باوەڕە مێژووییەکان بە فەرمی ناسراوە و لە چوارچێوەی پەروەردەی ئۆلی و کۆمەڵایەتی(دەستەڵات و هێز) ئاماژەیان پێکراوە. بە چاوخشاندنێکی خێرا بە مێژوودا دەبینین زێدەڕۆییەکان ئینسان زۆر جار ئەو مافانەی فەوتاندووە و لەبەرچاوی نەگرتوونە، مرۆڤ بۆ دەستەڵات و هێز و مانەوەی خۆی، پێی ڕێ خشاندووە و تەپەیانی لێ هێناوە! لەئالییەکی دیکەوەش بەهۆی ئەو هەمووە ڕاڤە و بۆچوونانە، کانسێپتی مافەیلی مرۆڤ بۆتە هۆی مشتومڕ و باسوخواستێکی زاڤ لەنیو کلتوور و باوەڕی نەتەوە و ئایینە جیاوازەکان، هەربۆیە لەسەدەی سەردەم لەلایەن ڕێکخراوە جیهانییەکانەوە هەوڵێکی زۆر دراوە کە ئەم یاسا و ڕێسایانە ڕێک بخرێنەوە و وەک یاسایەکی جیهان داگریان لێ بێ. هەرچۆنێک بێت هەتا ئێستا چەمک و پرسی مافەکانی مرۆڤ کۆمەڵێک قۆناخ و چاخی بڕیوە و بۆ مانەوە، بەهێز بوون و بەرحەق بوونی خۆی هەوڵی داوە و تێکۆشاوە و بەدڵنیایەوەش هەتا بۆی بڵوێ بەردەوام دەبێ. ڕۆژگارێک مافی مرۆڤ تەنیا بەمانای “مافی ژیان”(حق حیات) پێناسە دەکرا، ئێستا ئیتر لایەنی شاراوە و ئاشکرای ژیانی ئینسان وەک، یەکسانی و بەرامبەری ڕەگەزی، مافی فراژ(گەشە و پێشکەوتن)، مافی هەبوونی ژینگەیەکی پاقژ و خاوێن، مافی کاری شیاو و… لەخۆ دەگرێت و توێکڵی پێناسەی کلاسیکی خۆی هاویشتووە!
ڕەوتی گۆڕانی چەمکی مافەکانی مرۆڤ.
هەتا ئێستا دەستەبەندی جۆربەجۆر لەمەڕ ڕەوتی گەشەی مافەیلی مرۆڤ کراوە کە گرنگترینیان دابەشکاری دیرۆکی و بەپێی جیلەکانی مافی مرۆڤە. لەم بەشەدا چاو بەسەر ئەم ڕەوتانەدا دەخشێن چوونکە زانیاری لەسەر چۆنیەتی گووران، شەقڵ گرتن و گەشە و پەرەسەندنی، یارمەتی باشمان پێ دەکا هەتا باشتر لێی تێبگەین.
دابەشکاری دیرۆکی…
١.لەسەرەتاوە هەتا دەسپێکی سەدەکانی ناوەڕاست
٢.لە سەرەتای سەدەکانی ناوەڕاست هەتا سەرهەڵدانی ڕینسانس
٣.چاخی ڕینسانس هەتا شۆرشی مەزنی فەرانسە
٤.لە شۆرشی فەرانسەوە هەتا سەرەتای سەدەی بیستەم
٥.لە دەستپێکی سەدەی بیستەم هەتا ١٩٤٨
٦.لە ١٩٤٨ەوە هەتا ئێستا.

https://t.me/ikhrc

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *