ئەمڕۆ پێنج‌شەممە ١٦ی خاکەلێوەی ١٤٠٣، پێنج هاونیشتمانی خەڵکی شنۆ بەناوەکانی “شوانە بابەکری ٣٧ ساڵە، شەفیع بابەکری ٣٥ ساڵە، سالح سەخاوەت ٣٤ ساڵە، هیوا شەریفی ١٩ ساڵە و شاهین ئیبراهیمی ٢٥ ساڵە، بۆ جێبەجێ کردنی ماوەی حوکمەکەیان ڕەوانەی بەندیخانەی ئەو شارە کران.
ئەو ٥ هاونیشتمانییە دوای لێپرسینەوە لە دادگاییەکی ڕواڵەتی هەرکام بەو حوکمانەی ژێرەوە سزا دراون:
شوانە و شەفیع بابەکری(برا، هەرکام ٦ مانگ حوکمی زیندان)، شاهین ئیبراهیمی ٣ مانگ زیندان، سالح سەخاوەت ٣ مانگ زیندان و هیوا شەریفی ٦ مانگ زیندان.
هەروەها دوو کەسی دیکەی هاوبەش لەم پەروەندەیە بەناوەکانی “سۆران بەنگینی” و “شەهرام ئیبراهیمی” بە ٣ مانگ زیندان حوکم دراون و جارێک بۆ کێشانی حوکمەکەیان بانگ نەکراون.
ئەو هاونیشتمانییانە پووشپەڕی ١٤٠٢ لە زەماوەندی “سۆران بەنگینی” بەشدار بوونە و بە پاساوی لەبەرکردنی جلوبەرگی هاوشێوەی پیشمەرگەکانی حیزبی دێموکرات لەلایەن هێزە ئەمنییەکانەوە دەسبەسەر و دوای مانگێک بە بارمتە ئازاد کرابوون.
