چاونیوز: دوو هاونیشتمانی خەڵکی خورخوڕەی مهاباد لە گرتنگەی ئیدارەی ئیتلاعاتەوە بۆ زیندانی ورمێ گوازرانەوە.
چاونیوز: بە پێی هەواڵی گەیشتوو بە چاونیوز، ڕۆژی دووشەممە ١٩ی خەزەڵوەری ١٣٩٩، دوو هاونیشتمانی خەڵکی ئاوایی خورخوڕە سەر با شاری مهاباد بەناوەکانی سولەیمان کەریم پوور و خالید محەممەدزادە دوای ٦٦ ڕۆژ لێپرسینەوە و ڕاگرتن لە گرتنگەی ئیدارەی ئیتلاعاتی ورمێ بۆ زیندان گوازرانەوە.
جێگای وەبیرهێنانەوەیە کە، ڕۆژی هەینی ١٤ی خەرمانانی ٩٩، هێزەکانی سپای پاسداران لە ناوچەی خورخوڕەی دەشتی شاروێرانی سەر بە شاری مهاباد لە شوێنەک بە ناوی شەبەک ئەو دوو هاونیشتمانییە بە گومانی پێوەندی دەگەڵ حیزبە کوردییەکانی دژبەرەی نیزام دەسبەسەر دەکەن.
سەرچاوەیەک لەو ناوچەیە بە چاونیوز”ناوەندی مافی مرۆڤ بۆ ڕۆژهەڵاتی کوردستان”ی راگەیاندبوو: نزیک ٣٠ ماشینی سپای پاسداران بە تەواو کەرەسەی نیزامی و چەکی نیوەقورس ڕژابوونە خورخوڕە و دوای گەڕان و پشکنینی ناوچەکە ئەو دوو هانیشتمانییە کە سەرقاڵی کاروباری باغچەکەیان بوون دەگرن و دەگەڵ خۆیان دەبەن.
وێنە، سولەیمان کەریم پوور
