چاونیوز: سزای سێدارەی ئەسەرسەلان خودکام، بەندکراوی سیاسی خەڵکی مهاباد بە پێی ماددەی ٢٠ی کۆمیسۆنی لێبوردن لە سێدارەوە بۆ بەندکرانی هەتاهەتایی کەم کرایەوە.
ئەرسەلان خودکام ٤٧ ساڵە خەڵکی شاری مهابادە و لە دووی بانەمەڕی ١٣٩٧ی هەتاوی بە تاوانی” سیخوری و هاوکاری حیزبی دێموکرات” دەسبەسەر و بۆ ماوەی ٣٦ ڕۆژ لە ژوورە تاکەکەسییەکانی ئیتلاعاتی سپای “المهدی” باژێری ورمێ لەژێر لێپرسینەوە دابوو.
دوایی ئەم زیندانییە سیاسییە بۆ زیندانی ناوەندیی ورمێ گوازرایەوە و لە ٨ی پووشپەری هەمەن ساڵ لەلایەن کەرتی یەکی دادسەرای نیزامی ورمێ حوکمی سێدارەی بەسەردا سەپا.
ناوبراو هەتا ئێستا هەر لە زیندانی ورمێ بەبێ مافی هەبوونی مرەخەستی ڕاگیراوە.
