چاونیوز: کەماڵ شەریفی زیندانی سیاسیی و ڕۆژنامەوانی بەندکراو لە زیندانی “میناب” ڕایگەیاند: سەرەڕای دۆخی خراپی جەستەیی، ڕوحی و ڕەوانی چی دیکە توانای زیندان لە تاوڕاوگەم نەماوە.
بە گوێرەی هەواڵی چاونیوز (ناوەندی مافی مرۆڤی بۆ ڕۆژهەڵاتی کوردستان)، کەماڵ شەریفی زیندانی سیاسیی و ڕۆژنامەوانی خەڵکی سەقز ڕۆژی دووشەممە ١١ی ڕەشەممە ١٣٩٩، لە زیندانی میناب تووشی جەڵتەی دڵ ببوو و بۆ ماوەی چوار ڕۆژ لە بەشی ccu نەخۆشخانەی “ابوالفضل” میناب کەوتبوو و لەسەر بڕیاری پزیشکانی ئەو نەخۆشخانەیە و دوای پێش گرتنی بەرپرسانی زیندان و ناوەندە ئەمنییەتییەکان پاش چەند ڕۆژ ڕاوەستان بۆ ئانژیۆگرافی ڕەوانەی نەخۆشخانەی “محمدی”بەندەرعەباس کرا.
ناوبراو لە ڕێکەوتی ٢١ ڕەشەممە لە نەخۆشخانە “محمدی” بەندەرعەباس لەژێر چاودێرەی توندی ئەمنییەتی عەمەلیاتی دڵی(فەنەری دڵ) بۆ کرا و دوایی چەند ڕۆژ دیسان بۆ زیندانی ناوەندی میناب گەڕاندرایەوە.
هەر لەوپێوندییەدا یەکێک لە نیزیکانی کەماڵ شەریفی بە چاونیوزی ڕاگەیاندووە، ئێستا دوای یەک حەوتوو لە عەمەلیاتی جەڕاحی، ناوبراو لە دۆخێکی نالەباری جەستەیی، ڕوحی و ڕەوانی دایە و بەگوتی خۆی چیتر توانای حەبس و تاڕاوگەی نەماوە و لە چاوەڕوانی چاوپێکەوتن لەگەڵ بنەماڵەک دۆش داماوە.
ئەو سەرچاوەیە گوتویەتی: کەماڵ شەریفی لەگەڵ بنەماڵەکەی چەندین جار بە شێوەیی نوسراوە و زارەکی داوای ملاقات و چاوپێکەوتنی لەگەڵ بنەماڵەکی وەکوو باقیی زیندانیان کردووە بەڵام هەمووجارێ لەلایەن بەرپرسانەوە ڕەد کراویتەوە.
ئەو لە درێژەدا باسی کرد: کەماڵ شەریفی زیاتر لە بیست جار بەپێی ڕەوتی ئەسڵی جودایی تاوانەکان، بەشێوەی نوسراوە و داوای گواستنەوە بۆ یەکێک لە زیندانەکانی پارێزگایی سنەی بۆ قازیی دۆسییە ناردووە بەڵام داوایەکەی دوای ١٢ سال هەروەها بێ وەڵام ماوەتەوە.
بەو حاڵەش ئەو زیندانییە سیاسیە لە ساڵی ٨٧ لە ناڕەزایەتیی دەربڕین لە مافی چاوپێکەوتن لەگەڵ بنەماڵەکی و هەروەها هێشتنەوە لەگەڵ زیندانیانی گشتی و تاوانەکانی ماددەی هۆشبەر دەستی داوەتە مانگرتن درێژ خایەن کە بوو بەهۆی جەڵتەی یەکەم(مێشک) و هەروەها ئێستا لەگەڵ کێشە گەدە و ڕیخۆڵە ڕووبەڕوو بۆتەوە.
کەماڵ شەریفی ٤٩ ساڵە خەڵکی شاری سەقز، ڕۆژی یەکشەممە ٥ جۆزەردانی ١٣٨٧ لەلایەن هێزەکانی سپای پاسدارانەوە دەستبەسەر و هەر ئەو ساڵە تەنیا بۆ ماوەی ٥ خولەک بێ بەشداریی پارێزەری لەلایەن لقی یەکی دادگای شۆڕشی سەقز بە سەرۆکایەتی قازی “شایق” بە تۆمەتی “ئەندامەتی لە حیزبی دێموکراتی کوردستان” بە ٣٠ ساڵ زیندان لە تاڕاوگە مەحکووم کرا.
ئەو زیندانییە سیاسیە لە کاتی دەستبەسەر کرانی و لێپرسینەوەدا بە سەخترین شێوە لەلایەن هێزە ئەمنییەتیەکانەوە لەژێر ئازار و ئەشکەنجە دابوو.
کەماڵ شەریفی ئێستا لە حاڵی تێپەڕکردنی ١٣ هەمین ساڵی بەندکرانی لە زیندانی میناب دایە و تائێستا لە مافی مەرەخسی و چاوپێکەوتنی بنەماڵەکەی بێبەش کراوە.
ئەو ڕۆژنامەوانە کوردە لە ساڵەکانی ١٣٦٨ و ١٣٦٩ ــیش بەتۆمەتی هاوکاریی کردن لەگەڵ حیزبی دێموکراتی لەلایەن دادگایی شۆڕشی سەقز بە دوو ساڵ زیندانی و ٤٠ زەربە قامچی مەحکووم کرابوو.
