چاونیوز: ڕۆژی چوارشەممە ڕێکەوتی ٢٠ی خاکەلێوەی ١٣٩٩، کۆمەڵێک لە شۆفیرانی ئوتوبووسی شاری کرماشان کۆبوونەوەی ناڕەزایەتییان بەڕێوەبرد.
ئەم شۆفیرانە لەبەردەم بینای پارێزگاری و شارەوانی شاری کرماشان بە شێوەیەکی هێمنانە ناڕەزایەتی خۆیان دەربڕی. ئەو شۆفیرانە خوازیارن و داوا دەکەن کە، یارانەی ساڵی ١٣٩٨ و هەروەها مافی بیمەی بێکاریان لەبەر ئەو دوو مانگ پشوودانە پێ بدەن.
شایانی باسە کە چەند ڕۆژ لەمەوبەریش شۆفیرانی شاری ورمێ هەر ڕێک لەبەر ئەو هۆکارانە کۆبوونەوە و ناڕەزایەتیان نیشان دا.
دوای هاتنی پەتای کۆرۆناڤایرووس، خەڵکێکی یەکجار زۆر لە چینی هەژار و مامناوەندی تووشی کێشە ئابووری و بژێوی ژیان بوونە و هیچ کەس و لایەنێکیش ولامدەر نین.
