چاونیوز: ڕۆژنامەنووسێکی خەڵکی “دەرەشار” بە فەرمانی دادگای شۆڕش و بە تۆمەتی ڕەخنە لە “ئیبراهیم ڕەئیسی” دەسبەسەر کرا.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی سێشەممە ٢٨ی بانەمەڕ، ڕۆژنامەنووس و چالاکی مەدەنی خەڵکی “دەرەشار” بەناوی “نەجەف مێهدی پوور زەینی وەند”بە فەرمانی بەرپرسی دادگای شۆڕشی ئەو شارە (سهرابی زادە ملکشاهی) دەسبەسەر کرا.
لەم بارەیەوە سەرچاوەیەک بە چاونیوزی ڕاگەیاند: حوکمی دەسبەسەر کردنی ئەو چالاکە مەدەنییە بەهۆی بڵاوکردنەوەی بابەتێکی ڕەخنەگرانە بووە لە “ئیبراهیم ڕەئیسی” بەرپرسی دەزگای قەزایی و بەربژێری سەرکۆماری ڕێژیمی ئێران.
ئەو ڕۆژنامەنووسە پێشتریش لە ساڵی ١٣٩٧ بە تۆمەتی “سووکایەتی بە ڕێبەری و پڕۆپاگەندە بە دژی نیزام” ساڵێک حوکمی بەسەردا سەپابوو.
بەپێی زانیارییەکان، دەزگای قەزایی هەڕەشەی لە بەشێک لە چالاکانی میدیایی کردوو کە ئەگە ڕەخنە لە ئیبراهیم ڕەئیسی بگرن بەرەوڕوویان دەبنەوە.
