چاونیوز: هاونیشتمانییەکی خەڵکی ماکۆ لە باژێری ئورمییە لەلایەن هێزە ئەمنییەتییەکانەوە دەسبەسەر کرا.
بە گوێرەی هەواڵی گەیشتوو بە چاونیوز، لە ماوەی ڕۆژانی ڕابردوودا، هاونیشتمانییەکی کورد بە ناوی “سدیق حەیدەری” تەمەن ٤٣ ساڵ و خەڵکی شاری ماکۆ، لە سێ ڕێیانی سیلوانا سەر بە شاری ورمێ، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزراوە.
ئەو هاووڵاتییە کوردە لە کاتی سەردانی ماڵی هاوڕێیەکی لە سیلوانا، بەبێ بەڵگەی یاسایی دەسبەسەر کراوە.
هەتا ئێستا بەدواداچوونی بنەماڵەی ئەو هاووڵاتییە بۆ ئاگاداربوون لە چارەنووس و شوێنی ڕاگیرانی “سدیق” بێئاکام بووە.
