كۆمهڵێك ڕێكخراوی مافی مرۆڤ و نوێنهرانی مهجلیسی ئێران له مردنی بهندكراوان له زیندانهكانی ئێران نیگهرانن.
چاودێرانی مافی مرۆڤ به دهركردنی بهیاننامهیهك خوازیاری لێكۆڵینهوه و بهدواداچوون به مردنی گوماناویی بهندكرانی نێو زیندانهكانی ئێران بوون. ههروهها دهڵێ، دهزگای قهزایی ئهركهكانی خۆی سهبارهت به پێڕاگهیشتن به بهندكراوانی بهجێ نههێناوه و ههر چهشنه لادانێك كرابێ دهزگای قهزایی دهبێ وهڵامدهر بێ.
كاربهدهستانی قهزایی ئێران پاش بڵاوكردنهوهی فیلمێك له ژێر ناوی خۆكوژیی بهندكراوێك به ناوی كاووس سهید ئیمامی ،بهشێك له نوێنهرانی مهجلیسی ئێران ڕهخنهیان گرتوە و لهو فیلمه به گومانن و داوای بهدواداچوونیان بۆ كردووه.
شتێكی دیكهش جێ گومانه ئهوهیه كه داوایان له هاوسهرهكهی كردووه به بێدهنگی تهرمی ناوبراو به خاك بسپێرن و به بنهماڵهكهیان ڕاگهیاندووه كه تهرمهكهی پشكێندراوه بهڵام تا ئێستا هیچ وهلامێك نهدراوهتهوه و هیچ بهڵگهیهك بوونی نیه كه پشكێندرابێ.
چاوێرانی مافی مرۆڤ وهبیریان هێنایهوه كه سینا قهنبهری له زیندانی ئێڤین و وهحید حهیدهری له زیندانی ئهڕاك به قسهی كاربهدهستانی قهزایی ڕێژیم خۆیان كوشتووه و هیچ لێكۆڵینهوه و پشكنینی سهربهخۆیان بۆ نهكراوه. محهممهد نهجهفی پارێزهری وهحید حهیدهری داواپشكنین و بهدواداچوونی تهرمی ناوبراو كردبوو كه ل لایهن كاربهدهستانی ئهمنیهتی ئێستا زیندانی كراوه و ناوبراو ئهوهشی گوتبوو كه لهشی وهحید بههۆی مێدان و كوتانهوه ههموو جهستهی ڕهش و شین ههڵگهڕابوو.
ههر لهو پێوهندییهدا لێبوردنی نێودهوڵهتیش خوازیاری پشكنینی مردنی گوماناو له زیندانهكانی ئێران بوون و داوایان كردووه به خێرایی بهدهواداچوونی بۆ بكرێ.
ههروهها 40 نوێنهری مهجلیسی شورای ئیسلامیی ئێران وهزارهتی ئیتلاعات و نێوخۆی ئێرانیان وریا كردووهتهوه كه له ههمبهر مردنی بهندكراوان له زیندانه تاریكهكاندا وهڵامدهرن و دهبێ ڕوونكردنهوهیان ههبێ.
