چاونیوز: زیندانیانی سیاسی ژنی کوردلەچاڵە ڕەشەکانی کۆماری ئیسلامیی ئێراندادۆخێکی زۆرخراپتریان لەباقی زیندانیان هەیە و ڕۆژانە بەرەوڕووی سووکایەتی و بێ رێزی لەلایەن بەرپرسانی دادوەری و ئینتیزامی دەبنەوە.ژنانی زیندانی کورد ، زۆربەی کات لە کوردستان دوور دەخرێنەوە و جاری واشە لە ھێندێک ئیمتیاز بۆ بەندکراوێکی ئاسایی وەک دیدار و تەلەفوون کردن و مەرەخەسی و گرتنی پارێزەریش بێبەش دەکرێن.لەلایەکی دیکەشەوەدەگووترێ کە ئەو ژنانەى کە سزای قورسی زیندانی هەتاھەتاییان بەسەردا سەپێنراوە لەزۆربەی مافەکانیان تەنانەت لە چوارچێوەی زیندانیش دا بێبەش دەکرێن و لە بوواری پیزیشکی و دەرمانی پێیان ڕاناگەن وهەروەها لەماوەی رۆژانی حەووتوودا تەنیا یەک کاتژمێر مافی هەواخۆرییان هەیەو ھەڕەشەی بێدەنگ بوونیشیان ھەمووکات لێدەکرێ. ژنان لە گرتووخانەکانی ڕژێم ڕووبەڕووی دۆخی خراپی دەرونی دەبنەوە، یەکێک لەھۆیەکانیش ئەوەیەکە کاربەدەستانی زیندان بە زۆر پشکنینی پزیشکی لەژێرناوی داوێنپاکی بۆ کچانی زیندانی دەکەن تاوەکو بزانن کچن یان ژنن.بەگشتی زوڵم و زۆری لە سەر ژنان بە بەراورد لە گەڵ پیاوان زۆر زیاترە و بە هەموو شێوەیەک دەکەونە بەر ئەشکەنجە و گوشاری کاربەدەستانی نێو بەندیخانەکان و دەچەوسێنەوە. بەدرێژایی تەمەنی کۆماری ئیسلامی ژنان رووبەڕووی زوڵم و زۆری وهەڵاواردن و ناعەداڵەتی دەبنەوە. دەسەڵاتداران بە هەموو توانایانەوە بە گژ ئازادیخوازان و ڕووناکبیراندا دەچنەوە و ژنان و پیاوانی ئازادیخواز جێگەیان بەندیخانەکانی کۆماری ئیسلامییە. جێگای ئاماژەیە کە کۆنترین زیندانی سیاسی ژنی کورد زێنەب جەلالیانەکە لە دۆخێکی خراپ دایە و بە وتەی بنەماڵەکەی لە زیندانی قەرچەک تووشی نەخۆشی کرۆنا بووە. زینەب جەلالیان ، بەندکراوی سیاسی کورد لە ڕۆژهەڵاتی کوردستان و لە دایک بووی ۱۳٦۱ کە لە ساڵی ۱۳۸٦ دەستبەسەر و لە ساڵی ۱۳۸۸ بە تۆمەتی دەرباز بوون لە سنوور بە ساڵێک زیندان و بە تۆمەتی دژایەتی لە گەڵ خودا (محارب) لە ڕێگای ئەندامیەتی لە پارتێکی کوردی ڕۆژهەڵاتی کوردستان بە سێدارە سزا درا ، سزای سێدارەی ناوبراو لە دادگای پێداچونەوەی دیوانی باڵای وڵاتدا پشتڕاست کرایەوە ، بەڵام پاش ناڕەزایی پارێزرانی دژ بەو سزاییە و زەخت و گۆشاری نێو نەتەوەیی ، سزای ئێعدامی ناوبراو بە پلەیەک شکا بۆ سزای زیندانی هەتاهەتایی.
حەلیمە رەسوولی
