چاونیوز: بەپێی ڕاپۆرتی هەواڵنێرانی خۆجێی شاری میاندوئاو، ڕۆژی هه‌ینی ڕێکه‌وتی 18ی ڕێبه‌ندانی 1398 تەرمی دوو که‌س که‌ یه‌کیان پیاوێکی بەتەمەن بووه‌ و ئه‌وه‌ی تریش کچێکی تەمەن ٥ساڵانه‌ له‌ به‌ستێنی چه‌می جغه‌توو دۆزراویتنه‌وه‌.

ته‌رمی ئه‌و دوو که‌سه‌ لە ناو کارێزی ئاو لە نزیک ئاوایی شیناوێی ئەو شارە دۆزراونەتەوە. به‌ڵام هه‌تا ئێستا دیار نییه‌ که‌ ئه‌و دوو که‌سه‌ کێن و به‌ چ هۆکارێکی ئانقه‌ست یا هه‌ڵه‌ خینکاون.