چاونیوز: دوو برای کۆڵبەری خەڵکی دەڤەری ورمێ، لە سەر سنووری نێوان باکوور و ڕۆژهەڵاتی کوردستان لەلایەن هێزەکانی تورک تەقەیان لێدەکرێ، برایەک گیانی لەدەست دەدا و برایەکی دیکەش بە سەختی بریندار کراوە.
بەپێی هەواڵی چاونیوز، بەرەبەیانی ڕۆژی شەممە ١٠ی خەزەڵوەری ١٣٩٩، دوو برای کاسبکاری کورد بە ناوەکانی موسلیم و موسلیح خەڵکی ئاوایی کووران لە دەڤەری سێرۆ سەر بە باژێری ورمێ دەکرێنە ئامانجی فیشەکی بە ئانقەستی هێزە نیزامییەکانی حکومەتی تورکیە و هەر لەجێدا موسلیح کۆتایی بە ژیانی دێ و موسلمیش بە سەختی بریندار دەکرێ.
