۴ی رەشەمەی ساڵی ۱۳۹۸ ھەتاوی
آموزش وردپرس

وه‌فا هۆوه‌یدایی به‌ تاوانی به‌هایی‌بوون له‌ خوێندن بێبه‌ش کرا

وه‌فا هۆوه‌یدایی، خوێندکاری ڕشته‌ی فیزیکی زانکۆی پۆلی‌تیکنیکی تاران دوای دوو تێرم خوێندن به‌هۆی به‌هایی‌بوونی له‌ درێژه‌دان به‌ خوێندن بێبه‌ش کرا.

وه‌فا هۆوه‌یدایی

کۆمه‌ڵه‌ی چالاکانی مافی مرۆڤ ده‌ڵێ وه‌فا که‌ ساڵی ۱۳۹۵ به‌ ڕوتبه‌ی ۲۷۰۲ له‌ زانکۆ وه‌رگیرابوو، دوای دوو تێرم خوێندن به‌ بڕیاری ناوه‌نده‌ ئه‌منیه‌تییه‌کان له‌ مافی درێژه‌دان به‌ خوێندن بێبه‌ش کراوه‌.

بێبه‌شکرانی وه‌فا هۆوه‌یدایی له‌ خوێندن له‌ حاڵێک‌دایه‌ که‌ به‌پێی ئه‌سڵی ۳۰ی قانوونی بنه‌ڕه‌تیی کۆماری ئیسلامیی ئێران هه‌موو هاووڵاتییه‌کی ئێرانی مافی خوێندنی باڵای هه‌یه‌، هه‌روه‌ها به‌پێی ئه‌سڵی ۲۳ی قانوونی بنه‌ڕه‌تی ڕاپشکنی (تفتیش عقاید) قه‌ده‌غه‌یه‌ و ناکرێ که‌س به‌هۆی بیر و باوه‌ڕه‌که‌ی لۆمه‌ بکرێ. به‌ڵام سه‌ره‌ڕای ئه‌وه‌ی قانوون به‌ ئاشکرا وبه‌ ڕوونی هه‌موو ئه‌و پێشێلکارییانه‌ی قه‌ده‌غه‌ کردوه‌، که‌چی به‌هاییه‌کان له‌ ئێران له‌ مافی خوێندن له‌ زانکۆ و مافی دامه‌زران له‌ شوێنه‌ ده‌وڵه‌تی و حکومه‌تییه‌کان بێبه‌ش ده‌کرێن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code