چاونیوز: چوار کاسبکاری کورد لە ناوچەکانی شاباد دەسبەسەر و کەلوپەلەکانیشیان دەستیان بەسەردا گیرا.
بەپێی هەواڵی چاونیوز، ڕۆژی سێشەممە ١٦ی بەفرانباری ١٣٩٩، چوار کاسبکاری کورد کە چەند کۆلێرگازییەکیان پێ بوو و بۆ خێرێکی کەم بەتەمای فرۆشتینیان بوون لەلایەن هێزەکانی شاری هۆمەیل سەربە شابادی کرماشان دەسبەسەر کران.
فەرماندەی ئینتزامی شابادی ڕایگەیاندووە کە، ئەو چوار کەسە بە ماشینەکانیانەوە دەسبەسەر کراون و بارەکەشیان دەستی بەسەردا گیراوە.
ئەو کەسە نیزامییە بە شانازییەوە دەڵێ: لە عەمەلیاتێک دا توانیومانە بارێکی زۆر کە بە نایاسایی ئاودیو کراوە دەسبەسەر دا بگرین و ئاماژە بە کەلوپەلەکانیش دەکا کە ٩ کۆلێرگازی و جلشۆرێک بوونە!
جێگای ئاماژەیە کە بە پێی ڕاپۆڕتەکانی قەرارگای نەتەوەیی دژی گەندەڵی ئابووری، سەتا ٩٥ی قاچاغچییەکان بە دەروازە فەرمییەکان دا لەلایەن بەشێک لە کاربەدەستەکانەوە دەکرێن کە تەنیا توانیویانە سەتا یەکی ئەو کەسانە بدەنە دادگا!
