چاونیوز: ڕۆژی چوارشەممە ٣ی سەرماوەزی ١٣٩٩، دوو هاونیشتمانیی بەناوەکانی سەلاح کەیوان پوور و هادی ڕەسایی خەڵکی ئاوایی سەردۆشی سەر بە مەریوان بە دانانی بارمتە بە شێوەی کاتی لە گرتنگەیەکی ئیدارەی ئیتلاعاتی سنە ئازاد کران.

ئەم دوو هاونیشتمانییە ڕێکەوتی ٢١ی خەزەڵوەری ئەمساڵ لە لایەن هێزە ئەمنییەکانی کۆماری ئیسلامی ئێران بە تۆمەتی هاوکاری حیزبێکی کوردی دژبەری کۆماری ئیسلامی لە مەریوان دەستبەسەر و بۆ لێپرسینەوە بۆ یەکێک لە گرتووخانەکانی حکوومەت لە شاری ســنە گواسترابوونەوە.