ئەمڕۆ ڕێکەوتی 21 ئه‌یلول ساڵی 2019 زایینی
آموزش وردپرس

داوای پێداچوونەوە بە پەروەرندەی 6 زیندانیی سیاسیی کورد ڕەت کرایەوە

ذادگای پێداچوونەوەی پارێزگای ورمێ دوای دوو کۆبوونەوە دەگەڵ بنەماڵە و پارێزەرانی شەش زیندانی کوردی بەندکراو لە میانداوا، داوای پێداچوونەوەی پارێزەرانیانی بە پەروەندەکاندا رەت کردەوە.

رێبەندانی ساڵی رابردوو دیوانی بەرزی وڵات لە قوم دوای شەش تاووتوێی پەروەندەکە، بەبێ کۆبوونەوەو ئامادەبوونی شاهیدەکانی پەروەندەکە، حوکمی دادگای میاندواوی پشڕاست کردەوە کە ەپێی ئەو حوکمە کەماڵ ئەحمەدنژاد بە ئیعدام و پێنجی کەسی دیکەش بە ناوەکانی هەڵمەت ئەبدووڵڵاهی، سولەیمان کوردی، میلاد ئەبدی، سەعید سیاهی و مستەفا و کەیوان،،، تەهازادە بەگشتی بە ۷٥ ساڵ حوکم دراون. بەداخەوە هەوڵ و تێکۆشانی بنەماڵە و پارێزەرانی ئەو تۆمەتبارانە لە ماوەی چەند حەوتووی رابردوودا بەهۆی گووشاری ناوەندە ئەمنییەتییەکان بێ بەرهەم مایەوە.

دەوترێ راپۆرتی ئەو کەیسە نزیک چوارسەد ڵاپەڕەیە کە بەتەواوی لە لایەن ئیتلاعاتەوە رەشنووس کراوەو، ئەگەرچی پارێزەران و بنەماڵەی تۆمەتباران بەڵگەی بێتاوانی ئەوانیان بەدەستەوەیە، بەڵام دیوانی بەرزی وڵات بەبێ کۆبوونەوە و دانیشتن، بڕیاری پێشووتری دادگای میاندواو پشڕاست دەکاتەوە.

سەرچاوەیەکی باوەڕپێکراوی نزیک لە بنەماڵەکانی گیراوان دەڵێ.. ئەگەرچی ئەو بەندکراوانە لە سێ کۆبوونەواندا تۆمەتەکانیان قبووڵ کردبوو، بەڵام پووشپەڕی پار لە کۆبوونەوەی ئەسڵیدا کە لە میاندواو و وێڕای ئامادە بوونی سێ دادوەر پێکهاتبوو، دەگەڵ رەتکردنەوەی هەموو تۆمەتەکان، رایانگەیاند هەموو دانپێدانانەکانیان بەهۆی شکەنجە و گووشار بووە، بەڵام دیسانیش دادگاە بەبێ گوێ بزووتن بە هیچ پێوەرێکی ستانداردی دادگایی، بڕیاری زۆردارانەی بە سەریاندا سەپاند. ئێستاش دەگەڵ بێ ئاکام مانەوەی هەموو هەوڵ و کۆششی بنەماڵە و پارێزەرانی ئەو لاوە بێتاوانانە، ترسی جێبەجێ کردنی بڕیاری دادگا، واتە ئیعدامی کەماڵ ئەحمەدنژاد بنەماڵەکەی زیاتر نیگەران کردوە.

ئەو لاوانەی گووندی گامێشگۆلی پاییزی ۹۳ بە تۆمەتی کوشتنی گوماناوی کۆنەئەندامێکی سوپا و بەسیج گیران و پاش شەش مانگ لە سیاچاڵ و ژوورە تاکەکەسییەکانی ئیتلاعاتدا لە کورتەفیلمێکی سناریۆئاسای ئیتلاعاتدا دانیان بە کوشتنی هاشم زەینالیدا نا. بەڵام دوای ماوەیەک تۆمەتباری یەکەم کە بە ئیعدام حوکم دراوە، نامەیەکی بۆ رێپۆرتێری تایبەتی نەتەوە یەگکرتووەکان بۆ مافی مرۆڤ لە ئێران نووسی و رایگەیاند هەموو دان پێدانانەکانی بەهۆی ئەشکەنجە و گووشاری ئیتلاعات بووە. هەروەها چ دادگای میاندواو و چ دیوانی بەرزی وڵات لە قوم کە بەو کەیسدا چۆتەوە، ئامادە نەبوون شایەتی ئەو شاهیدانە وەرگرن کە شایەتی دەدن کاتی کوژرانی ئەندامەکەی سوپا لەو شوێنکی گشتی و دیاریکراوبووون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code