بە پێی هەواڵی چاونیوز: سەر لە ئێوارەی ڕوژی یەکشەممە ۱٦ی سەرماوەزی ۱۳۹۹، هێزەکانی کۆماری ئێسڵامی ئێران لە سنووری ناوچەی سەڵماس بەبێ ئاگادر کردنەوە و زۆر لە نزیکەوە تەقەیان لە دەستەیەک کۆڵبەر کرد کە لە ئاکام دا کۆڵبەرێک بە ناوی فەرزاد سعدۆزادە ٤٢ ساڵە کوڕی ئەسعەد خەڵکی ئاوایی کۆزەڕش سەر بە شاری سەڵماس گیانی لەدەست دا.
بەپێی قسەی سەرچاوە خۆجێییەکان، پایگای سنووریی ئاوایی کۆزەڕەش لە نزیکەوە و بەبێ ئاگادار کردنەوەیان تەقەی لەو کۆڵبەرانە کردووە کە ویستوویانە بەرەو کوردستانی تورکیە بچن و لەو تەقەیەدا فەرزاد وەبەر دەکەوێ و دەکوژرێ.
شایانی باسە ئەو کۆڵبەرە خاوەنی دوو مناڵە کە یەکیان کەم ئەندامە.
