۲۰ی خاکەلێوەی ساڵی ۱۳۹۹ ھەتاوی
آموزش وردپرس

یۆسف کاکە مەمی

پڕۆفایلی یۆسف کاکەمەمی، زیندانیی سیاسیی کورد

یۆسف کاکەمەمی، خەڵکی مەهاباد ساڵی ۱۳۸۶ی هەتاوی دەسبەسەر وبە تۆمەتی پێوەندی‌هەبوون و هاوکاریی حیزبێکی کوردیی دژبەری کۆماری ئیسلامی سزای ۹ ساڵ زیندانیی بەسەردا سەپا.

یوسف کاکەمەمی لە پەروەندەیەکی دیکەدا بە هۆی پێوەندیگرتنی بە میدیا و نووسینی نامە بۆ ئەحمەد شەهید، ڕاپۆرتنێری پێشووی شووڕای مافی مرۆڤی نەتەوە یەکگرتووەکان بۆ کاروباری ئێران لە جۆزردانی ۱۳۹۵دا خرایە زیندانی ئینفڕادیی وەزارەتی ئیتلاعات لە ورمێ.

ئەو دواتر بە تۆمەتی بانگەشە دژی نیزام و پێکهێنانی کۆڕو کۆبوونەوە لە دژی ئەمنیەتی نیشتمانی سزای ۵ ساڵ زیندانیی دیکەی بەسەردا سەپا، ئەویش لە حاڵێك‌دا کە لە هیچ کام لە قۆناغەکانی دادگایی‌و لێپرسینەوەدا مافی گرتنی پارێزەری نەدراوەتێ و بەردەوام لە زیندانی ئینفڕادی‌دا لە ژێر ئەشکەنجەدا بووە.

ئەو زیندانییە سیاسییە کوردە ڕۆژی پێنجشەمە، ۳۱ی خاکەلێوەی ۱۳۹۶ بە بڕیاری بەرپرسی زیندانی ورمێ کتوپڕ و بێ ئاگاداریی پێشوەخت بۆ زیندانی ناوەندیی تەورێز دوورخراوەتەوە.

 

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code