چاونیوز: هێزە ئیتلاعاتییەکان ٩ کەسی لە ژن و پیاوی خەڵکی ئاوایی زەردۆیی بەشی باینگانی پاوەیان دەسبەسەر و لە شوێنێکی نادیار ڕاگرتووە.
بەپێی هەواڵی چاونیوز، ڕۆژی سێ شەممە ٢٠ی خەزەڵوەری ١٣٩٩، پێنج هاوونیشتمانی خەڵکی ئاوایی زەردۆیی سەر بە بە باینگان بەناوەکانی میلاد بابایی، سمکۆ مەحمودی، بێهنام وەیسی، ئەحمەد بیابانی و یاسر حەیدەری دوای بانگ کردنیان بۆ ئیدارەی ئیتلاعاتی سپا دەسبەسەر کران.
هەر لەم پێوەندییە، هەر ئەو ڕۆژی، سێ شەممە ٢٠ی خەزەڵوەر، چوار هاونیشتمانی ژن بەناوەکانی هەڕاڵە عەزیزی، دنیا عەزیزی، کەوکەب حەیدەری و فریشتە بیابانی بانگی ئیتلاعاتی سپا دەکرێن و هەر وەک پێنج پیاوەکە بە تۆمەتی شەڕ دەگەڵ هێزە نیزامییەکانی ڕێژیم دەسبەسەر دەکرێن و هەتا ئێستا چارەنووسیان نادیارە.
ڕۆژی پێنج شەممە ١٥ی خەزەڵوەر، دوای ئەوەیکە هێزە نیزامییەکان دەیانویست مەڕومالاتی کاسبکاران دەس بەسەر دابگرن خەڵکی ئاوایی زەردوویی بەرەوڕووی هێزەکان دەبنەوە و ئەوەندەی بۆیان دەکرێ ناهێڵن باڕوماڵی کاسبکاران بکەوێتە دەستی داگیرکەران و تەنانەت بە بەرد و دار لێێان دەدەن کە هێزە نیزامییەکانیش تەقەی هەواییان دەکرد و ڕەوشەکی مەترسیدار و ناخۆش هاتبوو ئاراوە.
