چاونیوز: دوو کۆڵبەر لە سنووری شارەکانی بانە و نەوسوود بە تەقەی هێزەکانی کۆماری ئیسلامی ئێران بریندار کران.
بەپێێ هەواڵی چاونیوز، ڕۆژی دووشەممە ڕێکەوتی ٧ی ڕەزبەرەی ١٣٩٩، هێزەکانی کۆماری ئیسلامی لە سنووری بانە(هەنگەژالە) تەقە لە کاروانی کۆڵبەران دەکەن و لە ئاکامدا کۆڵبەرێکی ٣٢ ساڵە بە ناوی رەحیم ئیرەجی خەڵکی دەڤەری سەقز فیشەک وەبەر چۆکی دەکەوێ و بە توندی بریندار دەبێ.
سەرچاوەیەک لەم بارەیەوە ڕایگەیاند کە، ڕەوشی ڕەحیم ئێستا لە نەخۆشخانەی بانە جێگیرە و کاری دەرمانی لەسەر کراوە.
لەلایەکی دیکەوە، ڕۆژی هەینی ٤ی ڕەزبەر، کۆڵبەرێک بە ناوی سوهەیب خەڵکی ئاواییەکی ناوچەی نەوسوود بە تەقەی ڕاستەوخۆی هێزەکانی سنووری بریندار کراوە.
