۱۰ی جۆزەردانی ساڵی ۱۳۹۹ ھەتاوی
آموزش وردپرس

کوژرانی ۴۵ کۆڵبەر و کاسبکاری کورد لە سێ مانگی یەکەمی ۲۰۲۰دا

لە ماوەی سێ مانگی سەرەتای ساڵی نوێی زایینیدا لانیکەم ۴۵ کۆڵبەر و کاسبکاری ناوچە سنوورییەکانی کوردستان بوونەتە قوربانیی سیاسەتی پەرەنەسەندنی کوردستان لە ڕووی ئابووری‌ و رەفتاری دوژمنکارانەی کۆماری ئیسلامیی ئێران دەرحەق بە گەلی کورد.
بەپێی ڕاپۆرتی “چاونیوز”، ئۆرگانی ناوەندی مافی مرۆڤی ڕۆژهەڵاتی کوردستان لەو ۴۵ کۆڵبەر و کاسبکارە ۱۶ کاسبکاریان بە تەقەی ڕاستەوخۆی هێزە چەکدارەکانی کۆماری ئیسلامیی ئێران یان بەربوونەوە لە بەرزایی لە ئاکامی ڕاوەدوونانی هێزە چەکدارەکانی کۆماری ئیسلامی یان مانەوە لە ژێر ڕنوو و شەختە و سەرمای کوێستانەکاندا گیانیان لە دەست داوە. هەروەها ۳۷ کەس لەوانیش بە هەمان هۆکارەکانی ئاماژەپێکراو بریندار بوون و دەیان سەر ئەسپ‌ و ئێستری ئەو کاسبکارانەش بە کوشت چوون و دەست بەسەر چەندین میلیارد تمەن بار و کەلوپەلیان داگیراوە.
کوژران و برینداربوونی ۳۷ کاسبکار لە وەرزی یەکەمی ۲۰۲۰ لە حاڵێکدایە کە هێزە چەکدارەکانی کۆماری ئیسلامی لە ساڵی ۲۰۱۹شدا ۲۵۲ کەس لەو کاسبکارانەیان دابووە بەر دەستڕێژی چەکەکانیان کە ۸۱ کەسیان کوژرابوون و ۱۷۱ کەسیشان بریندار ببوون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code