۶ی جۆزەردانی ساڵی ۱۳۹۹ ھەتاوی
آموزش وردپرس

دەسبەسەر کرانی وشیار شەعبانی لە بانە

چالاکێکی مەدەنیی شاری بانە ماوەیەکە دەسبەر کراوە و چارەنووسی ناڕوونە.

بەپێی ڕاپۆرتی پەیامنێری چاونیوز، وشیار شەعبانی ماوەیەکە بە تۆمەتی بەشداری لە حەرەکەتە ناڕەزایەتییەکانی ئەمدواییانە گیراوە. ناوبراو پێشتریش بەشداریی لە چالاکییە مەدەنییەکان پێوەندیدار بە پشتیوانی لە ڕێفراندۆمی باشووری کوردستان و دژایەتی لەگەڵ هێرشی تورکیە بۆ سەر ڕۆژاوای کوردستان کردبوو.

ئامارەکان دەڵێن لە ڕەوتی ناڕەزایەتییەکانی ئەم دواییانەدا نیزیک بە ۷۰۰ کەس لە سەرکوتی ناڕەزایەتییەکاندا کوژراون کە ناوەندەکانی مافی مرۆڤ شوناسی زیاتر لە ۴۰۰ کەس لەوانی ئاشکرا کردوە. بە هەزاران کەسی دیکەش بریندار بوون و وەک حوسێن نەقەویی حوسێنی، نوێنەری شاری وەرامین لە مەجلیس دەڵێ زیاتر لە ۷۰۰۰ کەسیان لە گرتووخانەکان پەستاوتوە.

وەک چاوەڕوان دەکرا ئەمجارەکەش کوردستان پشکی شێری لە سەرکوت پێ بڕا. وەک لە ئامارەکانی “چاونیوز”، ناوەندی مافی مرۆڤی ڕۆژهەڵاتی کوردستاندا هاتوە، لەماوەی دوو ڕۆژدا ئەوەندەی ناوەکانیان ئاشکرا بووە نیزیک ۵۰ کەس تەنیا لە چەند شارێکی وەک کرماشان و جوانڕۆ و مەریوان کوژراون و زیاتر لە هەزار کەس گیراون کە بە شوناسی سەدان کەس لەوان زاندراوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code