ئەمڕۆ ڕێکەوتی 15 كانونی یه‌كه‌م ساڵی 2019 زایینی
آموزش وردپرس

تەرمی کوژراوەکانی خۆپیشاندانەکان له کرماشان بە خاک ئەسپێردران

تەرمی چەند شەهیدی دیکە لە کرماشان کە لە خۆپیشاندانەکاندا کوژرابوون، ڕادەستی بنەماڵەکانیان کراوە و لە کرماشان بە خاک ئەسپێردراون.

لە ڕۆژانی سێشەممە و  چوارشەممە، ٢٨ و ٢٩ی خەزەڵوەردا، تەرمی دوو خۆپیشاندەری ناڕازی بە ناوەکانی “عەبدولڕەزا شیرزادی” و “سەجاد باقری”، لە گوندی “داوەران جەلالوەند”ی کرماشان بە خاک سپێردران.

لە خۆپیشاندانەکانی کرماشاندا بەهۆی تەقەی هێزە چەکدارەکان دەیان کەس کوژراون و بریندارن کە هەتا ئێستا شوناسی چەند کوژراوێک بە ناوەکانی “موزەفەر زەهیری”، “محەممەد میرزایی”، “نادر بیژەنوەند”، “عەبدولڕەزا شیرزادی”،”سەجاد باقری” و “مستەفا فەرزامی” ئاشکرا بووە.

خۆپیشاندانەکان ئێوارەی ڕۆژی 24ی خەزەڵوەر لە تاران دەستی پێکرد و نیزیک بە تەواوی شارەکانی ئێرانی گرتەوە. هاوکات لەگەڵ شارەکانی دیکەی ئێران لە شارەکانی سەقز، سنە، بۆکان، ئیلام، کرماشان، مەریوان، سەرپێڵ زەهاو، شاباد، جوانڕۆ و چەندیین شاری دیکەی کوردستانی ڕۆژهەڵات خۆپیشاندان بەڕێوە چوو کە لە ئەنجامی خۆپیشاندانەکاندا دەیان کەس کوژراون و سەدان کەس و بریندار بوون،  هەروەها باس لە گرتنی هەزاران کەس دەکرێ.

 

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code