۲۲ی خاکەلێوەی ساڵی ۱۳۹۹ ھەتاوی
آموزش وردپرس

دەسبەسەرکرانی ۳۳ کەس لە ۲۲ ڕۆژی ڕابردوودا

ناوەندە ئەمنیەتییەکانی کۆماری ئیسلامی لە سەرەتای مانگی ڕەزبەرەوە تا ئێستا لانیکەم ۳۳ کەسیان دەسبەسەر کردوە.

ناوەندە ئەمنیەتییەکانی ڕێژیم لە کوردستان لە شارەکانی مەریوان، ورمێ، سنە، بانە، دێولان و مەهاباد و جوانرۆ ۳۳ کەسیان بە تۆمەتی چالاکی سیاسی و هەوڵدان دژی ئەمنیەتی وڵات دەسبەسەر کردوە. لەم ۳۳ کەسە ۱۶ کەسیان لە ڕەوتی خۆپیشاندانەکان بەدژی هێرشی تورکیە بۆ سەر ڕۆژاوای کوردستان دەسبەسەر کراون و تا ئێستا چارەنووسیان ناڕوونە.

دەسبەسەر کردنی ۳۳ کەس لە ماوەی سێ حەوتووی ڕابردوودا لە کاتێکدایە کە لە سێ مانگی هاوینیش‌دا لانیکه‌م ۲۱۶ که‌س به‌تۆمه‌تی چالاکیی سیاسی و هاوکاریکردنی حیزبه‌ کوردییه‌کانی دژبه‌ری کۆماری ئیسلامی قۆڵبه‌ست کرابوون‌. ژماره‌یه‌ک له‌و گیراوانه‌ تا کاتی دادگایی کردنیان به‌ بارمته‌ی قورس ئازاد کرابوون و لانیکه‌م ۵۸ که‌س له‌وانه دوای به‌ناو دادگایی کرانیان سزای لە ۳ مانگ زیندان‌ڕا تا ۱۱ ساڵ زیندانیان به‌ سه‌ر دا سه‌پا و سەرجەم ئەو ۵۸ کەسە  بە ۲۱۱۷ مانگ (پتر لە ۱۷۴ ساڵ) زیندان مەحکووم کران.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code