ئەمڕۆ ڕێکەوتی 22 تشرینی دووه‌م ساڵی 2019 زایینی
آموزش وردپرس

درێژەی خۆکوژییەکان لە شارەکانی کوردستان

کچێکی مێر منداڵ و ژنێک لە ” نایسەری شاری سنە ” لە ڕێگەی خۆکوژی کۆتاییان بە ژیانی خۆیان هێناوە.
ڕۆژی هەینی ١٢ی ڕەزبەری ١٣٩٨ی هەتاوی، کچێکی تەمەن “١٦” ساڵ دانیشتووی شارۆچکەی نایسەری سنە بە ناوی “ئارینا مورادی” بە هۆی کێشەی خێزانی و دەمەقاڵێ لەگەڵ براکەی لە ڕێگەی خۆ هەڵواسینەوە کۆتایی بە ژیانی خۆی هێناوە و لەلایەکی دیکەوە، ڕۆژی شەممە ١٣ی ڕەزبەر، ژنێک کە دایکی دوو منداڵە، هەر لەو شارۆچکەیە بەهۆی هەژاری و بێدەرەتانی کۆتایی بە ژیانی خۆی هێناوە.
شایانی باسە کە ” نایسەری سنە ” دانیشتووانی نزیک بە ١٠٠هەزار کەسە و یەکێک لە هەژارترین شارۆچکەکانی شاری سنەیە کە کاربەدەستانی کۆماری ئیسلامیی ئێران هیچ ئاوڕێک لە ژیانی خەڵکی هەژاری ئەو ناوچەیە نادەنەوە، خەڵكی ئەو شارۆچکەیە بە هۆی بارودۆخی نالەباری ژیان و کێشە و گرفتە کۆمەڵایەتیەکان و بنەماڵەییەوە بە دەیان جار پەنایان بۆ خۆ کوشتن بردووە بە جۆرێک کە تەنیا لە ماوەی چوار ڕۆژدا چوار کەس لەوشوێنە لە ڕێگەی خۆکوژییەوە کۆتاییان بە ژیانی خۆیان هێناوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code