ئەمڕۆ ڕێکەوتی 22 تشرینی دووه‌م ساڵی 2019 زایینی
آموزش وردپرس

تۆپبارانی سنوورەکانی باشووری کوردستان لە لایەن سپای پاسدارانی کۆماری ئیسلامییەوە

سپای پاسدارانی کۆماری ئیسلامی بۆ جارێکی دیکە سنوورەکانی نێوان ڕۆژهەڵاتی کوردستان و باشووری کوردستانی تۆپ‌باران کرد.
بەرەبەیانیی ڕۆژی چوارشەممە ١٩ی پوشپەڕی ١٣٩٨ی هەتاوی، تۆپخانەکانی سپای پاسداران لە” دۆڵە مەیدان” لە ناوچەی پیرانشارەوە بە کاتیۆشا و خۆمپارەهاوێژەوە، سەنگەر و بنکەکانی پێشمەرگەیانی حیزبی دێموکراتی کوردستانیان لە ناوچەکانی سیدەکان و بەربەزین و چەند شوینی دیکە کردە ئامانج و بە خەستی بوردۆمانیان کرد.
ئەو هێرشە جیا لەوەی وەکوو هەمیشە زەر و زیانێکی زۆری بە ژینگە و دارستان و مەزرا و مووچەی ئەو دەڤەرە گەیاندوە زۆر بەداخەوە، لاوێکی تەمەن ١٨ساڵ بە ناوی زەیتوون قادر، خەڵکی گوندی تەلان گیانی لەدەست داوە و دوو برای بە ناوەکانی سیروان قادر تەمەن ٢٣ ساڵ و ئیسماعیل قادر تەمەن ١٤ ساڵ برینداربوون.
کومیتەی سنووری حیزبی دێموکراتی کوردستان وێڕای مەحکومکردنی تۆپبارانی کوێرانەی سپای پاسداران و دروستکردنی مەترسی و نیگەرانی بۆسەر گیان و ماڵی هاوڵاتییان و دانیشتوانی ناوچە سنوورییەکان، ئەوپەڕی بەداخبوونی خۆی بەبۆنەی شەهیدبوونی زەیتوون قادر و برینداربوونی دوو برای دەردەبڕێ و سەرەخۆشی لە بنەماڵە و کەسوکاریان دەکا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code