ئەمڕۆ ڕێکەوتی 17 تشرینی دووه‌م ساڵی 2019 زایینی
آموزش وردپرس

بانگکران و دەسبەسەرکرانی 31 کەس و کوژران و برینداربوونی 19 کۆڵبەر لە ڕەزبەری ئەمساڵدا

لە ماوەی یەک مانگی پاییزی ئەمساڵدا لانیکەم 31 کەس لە کوردستان بانگ کراونەتە ناوەندە ئەمنیەتییەکان و ژمارەیەکی زۆر لەوان دەسبەسەر و زیندانی کراون. هەروەها لانیکەم 19 کۆڵبەری کوریش لە سۆنگەی سیاسەتی دوژمنکارانەی کۆماری ئیسلامییەوە کوژراون و بریندار بوون.

ناوەندی دێموکراسی و مافی مرۆڤی کوردستان لە کۆبەندێکدا ڕایگەیاندووە کە لە مانگی ڕابردوودا لانی کەم 31 کەس لە شار و ناوچە جیاجیاکانی کوردستان بانگ کراونەتە ناوەندە ئەمنیەتییەکان و بە تۆمەتی پێوەندییان لەگەڵ حیزبە کوردییەکانی دژبەری ڕێژیمەوە لێپێچنەوەیان لێکراوە. لەو 31 کەسە چەند کەسێکیان بە دانانی بریگرتە بەشێوەی کاتی ئازاد بوون، بەشی زۆریان خراونەتە بەندیخانەوە و نۆ کەس لەوانی سەرجەم سزای 20 ساڵ و سێ مانگ زیندانییان بەسەردا  سەپاوە.

هەر لەو یەک مانگە چوار زیندانیی کورد لە ورمێ و ئیلام لە دار دراون و سێ کەسیش لە شیروان و شنۆ سزای ئیعدامیان بەسەردا سەپاوە.

هەر لە درێژەی ڕەوتی کۆڵبەرکوژیی هێزە چەکدارەکانی کۆماری ئیسلامیدا 19 کۆڵبەر و کاسبکاری ناوچە سنوورییەکانی کوردستان کوژراون و بریندار بوون.

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code