۶ی جۆزەردانی ساڵی ۱۳۹۹ ھەتاوی
آموزش وردپرس

سه‌پاندنی سزای ۱۵۰۰ مانگ زیندانی به‌سه‌ر ۴۷ زیندانیی کورددا

ده‌زگای قه‌زایی کۆماری ئیسلامی سزای زیاتر له‌ ۱۵۰۰ مانگ زیندانیی به‌سه‌ر ۴۷ به‌ندکراوی سیاسیی کورددا سه‌پاندووه‌.

ده‌زگا ئه‌منیه‌تییه‌کانی کۆماری ئیسلامیش له‌ کوردستان له‌ ماوه‌ی سێ مانگی هاوینی ئه‌مساڵدا لانیکه‌م ۱۶۰ که‌سیان به‌ تۆمه‌تی چالاکیی سیاسی و هاوکاریکردنی حیزبه‌ کوردییه‌کانی دژبه‌ری کۆماری ئیسلامی قۆڵبه‌ست کردوه‌. ژماره‌یه‌ک له‌و گیراوانه‌ تا کاتی دادگایی کردنیان به‌ بارمته‌ی قورس ئازاد کراون و لانیکه‌م ۲۸ که‌س له‌وانه‌ دوای به‌ناو دادگایی کرانیان سزای لە ۱۶ مانگ زیندان‌ڕا تا ۱۱ ساڵ زیندانیان به‌ سه‌ر دا سه‌پاوه‌ و سەرجەم ئەو ۲۸ کەسە  بە ۱۰۷۰مانگ زیندان مەحکووم کراون. هەروەها چوار کەس لەو دەسبەسەرکراوانەش، بە تۆمەتی هاوکاریی حیزبە کوردییەکان و کوشتنی چەند مۆرەیەکی ئیتلاعاتیی ڕێژیم سزای ئیعدامیان بەسەر سەپێندراوە.

له‌ ماوه‌ی سێ مانگ به‌هاریشدا ۱۰۳ کەس لە خەڵکی ئاسایی و چالاکانی مەدەنی و سیاسی لەلایەن دەزگا ئەمنیەتییەکانەوە بە تۆمەتی چالاکیی ئەمنیەتی و سیاسی لە دژی کۆماری ئیسلامی و بەرژەوەندییەکانی ئەو ڕێژیمە گیرابوون و ۱۹ کەس لەوان حوکمی ۶ مانگ تا ۱۰ ساڵ (سەرجەم ۴۶۴ مانگ) زیندانییان بەسەردا سەپابوو.

ناوه‌نده‌ ئه‌منیه‌تییه‌کانی کۆماری ئیسلامی و ده‌زگای قه‌زایی ڕێژیم به‌ ڕه‌شبگیری به‌رده‌وام و سه‌پاندنی سزای قورس به‌سه‌ر به‌ندکراوانی سیاسی ده‌یانه‌وێ تێچووی چالاکیی سیاسی و مه‌ده‌نی له‌ کوردستان به‌رنه‌ سه‌رێ، به‌ڵام سه‌رباری ئه‌وه‌ بزاوتی سیاسی و مه‌ده‌نی له‌ کوردستان له‌ ناوچه‌کانی دیکه‌ی ئێران هه‌میشه‌ چه‌ند هه‌نگاوێک له‌پێشتر بووه‌.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code