۱۷ی پوشپەڕی ساڵی ۱۳۹۹ ھەتاوی
آموزش وردپرس

سێ کەس لە زیندانی ورمێ لە دار دران

دەزگای دادی کۆماری ئیسلامی سزای ئێعدامی بەسەر سێ زیندانی لە بەندیخانەی ناوەندیی ورمێ‌دا سەپاند.

“فاڕووق دەریایی”، کوڕی مەجید، خەڵکی شنۆ؛ مەحموود حەمزەزادە، خەڵکی شنۆ و کەماڵ سوڵتانی خەڵکی بۆکان ناوی ئەو سێ کەسەن کە بەرەبەیانی ڕۆژی دووشەممە، ۱ی گەلاوێژ لە زیندانی ناوەندیی ورمێ لە دار دران.

ڕاگەیاندنی هەواڵی ئێعدامکردنی ئەو سێ زیندانییە لە کاتێکدایە کە بەپێی ڕاپۆرتی رێکخراوی لێبوردنی نێودەوڵەتی سەدا ۶۰ی ئێعدامەکان لە ئێران ڕاناگەیەندرێن و ئیدارەی زیندانەکان بەنهێنی لەداریان دەدەن.

شایانی باسە دەزگای قەزایی کۆماری ئیسلامیی ئێران لە ماوەی یەک ساڵی ڕابردوودا لانیکەم ۳۲۲ کەسی لە دار داوە و سزای ئێعدامی بەسەر ۲۳۶ کەسی دیکەدا سەپاند. هەروەها لە ماوەی سێ مانگی بەهاردا لانیکەم ۸ بەندکراوی کورد کە بە تاوانی کوشتن حوکمی ئێعدامیان بەسەردا سەپابوو، لە زیندانەکانی ورمێ و ئیلامدا لە دار دراون.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

 

 

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code