۷ی رەشەمەی ساڵی ۱۳۹۸ ھەتاوی
آموزش وردپرس

کۆڵبەرێکی بریندار ۲۳ میلیون تمه‌ن جه‌ریمه‌ کرا

کۆڵبەرێکی خەڵکی پیرانشار کە بە هۆی تەقەینەوەی مین بریندار ببوو، به‌ بڕیاری دادگایی شاری پیرانشار سزای بژاردنی ۲۳میلیون تمەنی به‌سه‌ردا سه‌پا.

لوقمان وەحیدی، تەمەن ۳۶ ساڵ خەڵکی پیرانشار لە وتووێژێکدا لەگەڵ ڕایڵەکانی ڕۆژهەڵاتی کوردستان باسی لەوە کرد کە سەبارەت بەو حوکمه‌ ناڕەزایەتیم دەربڕیوە بەڵام تا ئێستا وڵامی پێویستم وه‌رنه‌گرتوه‌. ناوبراو گوتی بەهۆی هەژاری و بێدەرەتانی ناتوانم تێچووی چارەسەری پزیشکی بدەم و پیویستیم بە هاواکاری ماڵی هەیە.

ناوبراو که‌ خێزانداره‌ و دوو منداڵی هەیە، ڕۆژی دووشەممە ۲۹ی خەزڵوەر لە کاتی کۆڵبەری لە کوێستانەکانی کانی خودای پیرانشاردا بەهۆی تەقینەوەی مین چاو ولاقێکی لەدەست دا.

جێ‌ئاماژەیە زۆربەی کۆڵبەرانی زیان‌وێکەوتووی تەقینەوەی مین خێزاندار و له‌ توێژی فەقیر و هەژاری کۆمەڵگه‌ن، کە تا ئێستا لەلایەن  هیچ ئۆڕگانێکی  حکوومەتەوە پشتیوانیی لێ نەکردوون.

قه‌یرانی ئابووری لە پارێزگاکانی ڕۆژهەڵاتی کوردستان بە تایبەت لە ناوچە سنوورییه‌کان وایکردووه‌ که‌ خه‌ڵکەکە بۆ دابینکردنی بژێوی ژیانیان بە ناچار ڕوو لە کاری سەخت و مەترسیداری کۆڵبەری بکەن، ئه‌وه‌ش له‌ حاڵێکدایه‌ که‌ به‌هۆی تەقەی ‌ڕاستەوخۆی هێزەکانی چەکداری ڕێژیمی کۆماری ئیسلامی، سەرمابڕدوویی، ڕنوو، ڕاودوونانیان و بەربوونەوە لە بەرزایەکان دەکوژڕێن و بریندار دەبن و هه‌روه‌ها تەقینەوەی مینە‌ چێندراوەکانی کۆماری ئیسلامی بووه‌ته‌ مەترسییه‌ی گەورە بۆ سه‌ر گیانی ئەوان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code