۴ی رەشەمەی ساڵی ۱۳۹۸ ھەتاوی
آموزش وردپرس

کوژران و برینداربوونی ۲۲ کۆڵبه‌ر له‌ دوو مانگی ڕابردوو

لەو دوو مانگەدا لانیکەم ۲۲ کۆڵبەر و کاسبکاری کورد بە تەقەی ڕاستەوخۆی هێزە چەکدارەکان یان لە ئاکامی ڕاوەدوونانی ئەو هێزانەدا کوژراون و بریندار بوون. هەر لەو دوو مانگەدا ۱۱ کەس لە شوێنە جیاجیاکانی کوردستاندا بوونەتە قوربانیی تەقینەوەی مین و بەو هۆیە کوژراون یان بریندار و نقووستان بوون.

لە دوو مانگی دەسپێکی ئەمساڵدا لانیکەم ۸۵ کەس لە کوردستان بە تۆمەتی چالاکی سیاسی و ئەمنیەتی بە دژی کۆماری ئیسلامی گیراون، ۱۷ کەس لەوان دادگایی و سزای زیندانیان بەسەردا سەپاون. هەروەها حوکمی ئێعدامی ۴ زیندانیی سیاسی و عەقیدەتیی کورد پشتڕاست کراوەتەوە و ۸ زیندانیی کوردیش ئێعدام کراون.

خۆکوژییەکان بەهۆی بارودۆخی خراپی ڕووحی و ژیان لە کوردستان لە ماوەی ئەم دوو مانگەدا ۲۴ قوربانیی وەرگرتوە و دەیان کەسی دیکەش بە وەخت پێیان زانیون و لە مردن ڕزگاریان کردوون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code