ئەمڕۆ ڕێکەوتی 21 ئه‌یلول ساڵی 2019 زایینی
آموزش وردپرس

دەسبەسەرکرانی چوار کەس لە ئیندرقاشی مەهاباد

هێزەکانی ئیتلاعات لە شاری مەهاباد، ٤ کەسیان دەسبەسەر و بۆ گرتووخانەی ئیدارەی ئیتلاعات لەو شارە گواستەوە.

بەپێی ڕاپۆرتی هەواڵی سەرچاوە خۆجێیەکان، چەند ڕۆژ لەوەپێش، ٤ هاووڵاتیی کورد بە ناوەکانی “ئیبراهیم بابایی”، “سوارە ڕەحیمی”، “کەریم ڕەسووڵی” و “سیاوەش باغەبانی” خەڵکی گوندی “ئیندرقاش” سەر بە ناوچەی شاروێڕانی مەهاباد، لە لایەن هێزە ئیتلاعاتییەکانەوە دەسبەسەر کران.

سەرچاوەیەکی نزیک لەو بەندکراوانە ڕایگەیاند، “هێزەکانی ئیتلاعات ئەو ٤ کەسە کوردەیان بە تۆمەتی هەواڵدان بۆ بەرێوەبردنی جێژنی نەورۆز دەسبەسەر کردووە و لە گرتووخانەی ئیدارەی ئیتلاعات لە شاری مەهاباد لێکۆڵینەوەیان لێکراوە.

هەر لەو پێوەندییەدا لە پێش نەورۆزەوە هێزە ئەمنیەتییەکانی کۆماری ئیسلامیی ئێران لە ڕۆژهەڵاتی کوردستان وێڕای هەڕەشەکردن کۆمەڵێک لە چالاکان و خەڵکیان دەسبەسەر کرد و ئێستاش پاش بەڕێوەچوونی ڕێوڕەسمی نەورۆز دەستیان کردووە بە ڕەشبگیریی خەڵک لە گرتنگەکانی ئیتلاعاتیان دەخزێنن و لێکۆڵینەوەیان لێدەکەن و پاشان لەسەر بڕیاری دامەزراوە ئەمنیەتییەکان حوکمی زیندانیان بۆ دەبڕنەوە.

شایانی باسە تا ئامادەکرانی ئەو هەواڵە بە دەیان کەس لە شارە جیاجیاکانی ڕۆژهەڵاتی کوردستان لە پێوەندی لەگەڵ نەورۆزدا دەسبەسەر کران.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code