۴ی رەشەمەی ساڵی ۱۳۹۸ ھەتاوی
آموزش وردپرس

۵ به‌ندکراوی کورد له‌ ورمێ  ۱۷۴مانگ زیندانییان به‌ سه‌ردا سه‌پا

۵ که‌س‌ له‌ ده‌سبه‌سه‌رکراوانی خۆپیشاندانه‌کانی ئه‌م دواییانه‌ی ورمێ سه‌رجه‌م به‌ ۱۷۴ مانگ زیندانی مه‌حکووم کراون.

به‌پێی ڕاپۆرتی ناوه‌ندی مافی مرۆڤی کوردستان، ڕۆژی ۳ی ڕه‌شه‌ممه‌ ۱۳۹۶ ۵ که‌س له‌ ده‌سبه‌ر کراوانی خۆپیشاندانه‌کانی مانگی به‌فرانباری شاری ورمێ به‌ ناوه‌کانی سه‌فه‌ر ئۆڕدووخانی، مه‌تین خالیدی، ناسرحه‌سه‌نی، منیره‌ سولتانزاده‌ و ئه‌مین زینده‌دڵ، به‌ بڕیاری دادگای شۆرشی ئه‌و شاره‌ به‌ تومه‌تی پڕۆپاگه‌نده‌ دژ به‌ ئه‌منیه‌تی میللی و نیزامی کۆماری ئیسلامی سه‌رجه‌م‌ ۱۷۴ مانگ زیندانییان به‌سه‌ردا سه‌پا.

ئه‌و ۵که‌سه‌ ڕۆژی ۲۸ی به‌فرانبار له‌ لقی ۳ی دادگایی شۆرش شاری ورمێ له‌لایه‌ن قازی ره‌زا نه‌جه‌ف‌زاده‌ دادگایی کراون و ڕۆژی ۳ی ڕه‌شه‌ممه‌ حوکمه‌کانیان له‌ ڕێگه‌ی پارێزه‌ره‌کانیانه‌وه‌ پێ ڕاگه‌یه‌ندراوه‌. مه‌تین خالیدی ئێستا له‌ به‌ندی ۱۳ی زیندانی ناوه‌ندی ورمێیه‌ و سه‌فه‌ر ئۆڕدووخانی، ناسر حه‌‌سه‌نی، منیره‌ سۆڵتانزاده‌، و  ئه‌مین زینده‌ده‌ڵ تا ئێستا به‌شێوه‌ی کاتی و به‌ دانانی بارمته‌ ئازاد بوون که‌ ده‌بێ خۆیان به‌ زیندان بناسێنن.

به‌پێی ئه‌و حوکمه‌، مه‌تین خالیدی و ئه‌مین زینده‌دڵ هه‌ر کامیان به‌ ۷۲ مانگ زیندانیی سزا دراون که‌ ده‌بێ ۵ ساڵه‌که‌ی حه‌تمه‌ن بکێشن. ناسر حه‌سه‌نی و سه‌فه‌ر ئۆڕدووخانیش هه‌ر کام به‌ ساڵێک زیندانی و منیره‌ سۆڵتانزاده‌ به‌ ۶مانگ زیندانی سزا دراون.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code