۵ی جۆزەردانی ساڵی ۱۳۹۹ ھەتاوی
آموزش وردپرس

۷ نوخبەی ڕۆژھەڵاتی كوردستان له‌ ڕووداوی كەوتنی فرۆكەدا گیانیان لەدەست دا

لە نێو ئەو ۶۶ که‌سه‌ی ڕۆژی یه‌کشه‌ممه‌ به‌هۆی کەوتنە خوارەوەی فڕۆکەیەک لە نزیک ئیسفەهان گیانیان له‌ ده‌ست دا، ۱۱ کەسیان کوردن کە حه‌وت که‌س له‌وان خاوەن بڕوانامەی دکتۆران و چەند کەسیشیان منداڵ و هاوسەریان لەگەڵ بووە.
ئه‌و شه‌ش که‌سه‌ که‌ خه‌ڵکی پارێزگای کرماشانن بریتین له‌ د. کتور شاپوور یاری‌پور، نەشتەرگەری جوانکاری؛ د. موژگان نەزەری، پسپۆڕی منداڵان؛ د. سەید تەها دانشی، پسۆڕی مێشک و دەمار؛ د. عەبدوڕەزا کوردی، دکتورای دەروونناسی لە ئەمریکا؛ فاتمه داڵوەند خوێندکاری زانکۆ؛ عەلیڕەزا کەلهوڕ، خوێندکاری به‌شی پزیشکی و عەلیڕەزا جامعی، خوێندکاری پەرەستاری.
زانیارییەکان باس لەوە دەکەن کە ئەو کەسانە بۆ بەشداری لە سمینارێکی پزیشکی و تەندروستی لە تارانەوە بەرەو شاری یاسووج ده‌چوون.
کاتژمێر ۸ی بەربەیانی ڕۆژی یەکشەممە، ۲۹ی ڕێبه‌ندان فڕۆکەیەکی موسافیرهەڵگری تاران بۆ یاسووج لە باشووری پاریزگای ئیسفەهان و لە نزیک شاری سەمیرۆم بە ۶۶ سەرنشینەوە بەر بووەوە و سەرجەم سه‌رنشینەکان گیانیان لەدەست دا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code