ئەمڕۆ ڕێکەوتی 18 ئه‌یلول ساڵی 2019 زایینی
آموزش وردپرس

ناڕوونی چاره‌نووسی زیندانییەکی سیاسیی کورد لە مەهاباد

ره‌مه‌زان عه‌زیزی، خه‌ڵکی گۆندی دریاز له‌ ناوچه‌ی مه‌هاباد که‌ له‌لایه‌ن ئیداره‌ی ئیتلاعاتی ئه‌وشاره‌ بانگ کرابوو و دوایە دەسبەسەر و زیندانی کرابوو، دوای 5 ڕۆژ لە گیرانی چارەنووسی ناروونە.
بەپێی ڕاپۆرتی ماف‌نیوز، ساریا عه‌زیزی هاوسه‌ری ناوبراو ڕایگەیاندوە کە مێردکەی 54 ساڵی تەمەنە‌ و ڕۆژی پێنج‌شه‌ممه‌ 20ی به‌فرانبار بانگ کراوەتە ئیدارەی ئیتلاعات و دوای چوونی نەگەڕاوەتەوە ماڵێ و کەس بە سۆراغی نازانێ.
ڕه‌مه‌زان عه‌زیزی پێشتریش له‌ پووشپه‌ری ساڵی 1394 بۆ ماوه‌ی 8 مانگ بێ ئەوەی دادگایی بکرێ و حوکم درابێ ده‌سبه‌سه‌رکراوە. خێزانی ڕەمەزان عەزیزی ده‌ڵێ کوره‌که‌شی کە هێمن عه‌زیزیی ناوە به‌ تومه‌تی هاوکاریکردنی یەک لە حیزبە کوردییەکان بەدوایدا دەگەڕێن.
شایانی باسە لە رەوتی سەرکوتی خۆپیشاندان و ناره‌زایه‌تییەکانی ئەم دواییانەدا، ئه‌و بنه‌ماڵانه‌ی کوڕ و کچەکانیان لەدەروەی وڵاتە و لە حیزب و ڕێکخراوە سیاسییەکاندا چالاکن هەڕەشەیان لێکراوە که‌ هه‌رچشنه‌ چالاکییەکی سیاسی و تەبلیغیی ڕۆڵەکانیان دژ به‌ نیزام و، پێوەندی و هاوکاریی ئەوان له‌گه‌ڵ حیزبه‌کانی دژبه‌ری حکومه‌ت بە زیانی بنەماڵەکانیان لە نێوخۆی وڵات دەشکێتەوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code