۱۴ی خاکەلێوەی ساڵی ۱۳۹۹ ھەتاوی
آموزش وردپرس

دەسبەسەرکردنی چوار کەسی دیکە لە ئیلام، شنۆ و پیرانشار

هێزەکانی ئیدارەی ئیتلاعات لە ئیلام، شنۆ و پیرانشار چوار کەسی دیکەیان دەسبەسەر و بۆ شوێنێ نادیاریان ڕاگواست. ئەو کەسانە بە تۆمەتی هاوکاریکردنی حیزبێکی کوردیی دژبەری کۆماری ئیسلامی گیراون.
ڕۆژی شەممە، ۲۳ی بەفرانبار لە ئیلام ئیدارەی ئیتلاعات کەسێکی خەڵکی ئەو شارەی بەناوی غوڵامرەزا قەنبەرپوور دەسبەسەر کردوە بۆ شوێنێکی نادیاری گواستۆتەوە. ناوبراو ۵ ساڵ لەوە پێشیش بە تۆمەتی هاوکاریکردنی حیزبێکی کوردیی دژبەری کۆماری ئیسلامی گیرابوو و ئەمجارەش هەر لەو سۆنگەیە گیراوە.
لە پیرانشاریش هەواڵەکان باس لەوە دەکەن کە ڕۆژی یەکشەممە، ۱۷ی بەفرانبار کارمەندێکی نەخۆشخانەی ئەو شارە بە ناوی ناسح خالیدی دەسبەسەر و بۆ زیندانی ئیتلاعات بردراوە. چەند ڕۆژ پێش ئەوە و لە ڕۆژی ۱۳ی بەفرانباریشدا هێزەکانی ئیدارەی ئیتلاعاتی ئەو شارە کەسێکی تەمەن سەروو ۵۰ ساڵی خەڵکی کۆنەلاجان بە ناوی “محەممەد ئیبراهیمی”یان دەسبەسەر کردبوو. ئەو دوو کەسەش بە تۆمەتی هاوکاریکردنی حیزبێکی کوردی گیراون.
ڕۆژی پێش ئەو ڕووداوە، واتە ڕۆژی سێشەممە ۱۲ی بەفرانباریش لە شنۆ هێزەکانی ئیدارەی ئیتلاعاتی ئەو شارە کەسێکی خەڵکی ورمێ‌یان بە ناوی مەنووچێهر حەمیدزادە دەسبەسەر کرد. ناوبراو کە بە تۆمەتی هاوکاریکردنی حیزبێکی کوردیی دژبەری کۆماری ئیسلامی گیراوە، لە کاتی سەردانی بۆ شنۆ لە ماڵە خزمێکی دەسبەسەر کراوە.
بەپێی ئامارەکان لە ماوەی ساڵی ۲۰۱۷دا لانیکەم ۷۷۹ کەس لە کوردستان لەلایەن ناوەندە ئەمنیەتییەکانی کۆماری ئیسلامییەوە دەسبەسەر کراون و لەوەندە کەسە ۲۴۶ کەسیان بە بڕیاری دادگا حوکم دراون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code