۸ی رەشەمەی ساڵی ۱۳۹۸ ھەتاوی
آموزش وردپرس

کاسبکارێکی مەهابادی کوژرا

کاسبکارێکی دیکەی خەڵکی مەهاباد بە تەقەی هێزە چەکدارەکانی کۆماری ئیسلامی گیانی لە دەست دا.
بەیانیی ئەمڕۆ چوارشەممە، ۶ی بەفرانبار ڕەحمەت سولەیمانزادە لە جادەی پیرانشار_مەهاباد بە گومانی پێبوونی باری قاچاغ درایە بەر دەستڕێژ و کوژرا.
ڕەحمەت سولەیمانزادە خاونی ژن و دوو منداڵە.
له‌ وه‌رزی پاییزی ئه‌مساڵدا ۵۱ کۆڵبه‌ر و کاسبکاری ناوچه‌ سنوورییه‌کانی کوردستان به‌ ته‌قه‌ی هێزه‌ چه‌کداره‌کانی کۆماری ئیسلامی کوژراون و بریندار بوون. له‌و ۵۱ که‌سه‌ ۲۰ که‌سیان گیانیان له‌ ده‌ست داوه‌ و ۳۱ که‌سیش بریندار بوون. کوژرانی ۵۱ کۆڵبه‌ر و کاسبکاری کورد له‌ ناوچه‌ سنوورییه‌کان له‌ وه‌رزی پاییزی ئه‌مساڵ له‌ حاڵێکدایه‌ که‌ له‌ سێ مانگی هاوینیشدا ۵۰ کۆڵبه‌ر و کاسبکار کوژراون و بریندار بوون و له‌ وه‌رزی به‌هاریشدا ۳۷ که‌س له‌و چینه‌ زه‌حمه‌تکێش و خۆشی له‌خۆنه‌دیتوو ببوونه‌ قوربانیی سیاسه‌تی زه‌برونگ و داپڵۆسینی کۆماری ئیسلامی. به‌و پێیه‌ ژماره‌ی ئه‌و کۆڵبه‌ر و کاسبکاره‌ کوردانه‌ی له‌ سه‌ره‌تای ئه‌مساڵه‌وه‌ تا سه‌ره‌تای وه‌رزی زستان به‌هۆی سیاسه‌تی کوشتاری کۆماری ئیسلامی کوژراون و برینداربوون؛ گه‌یوه‌ته‌ ۱۳۸ که‌س.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code