۲۱ی پوشپەڕی ساڵی ۱۳۹۹ ھەتاوی
آموزش وردپرس

دوو کەس لە ئیلام و کرماشان بە تۆمەتی سیاسی دەسبەسەر کران

ناوەندە ئەمنیەتییەکانی کۆماری ئیسلامی لە ئیلام خوێندکارێکیان بە تۆمەتی چالاکیی سیاسی دەسبسەر کردوە. لە شاری سەرپێلی زەهاویش باوکێک بە تاوانی ئەوەی کوڕەکەی ئێرانی جێهێشتووە گیراوە.
بەپێی ڕاپۆرتی ناوەندی دێموکراسی و مافی مرۆڤی کوردستان ڕۆژی ۲۵ی گەلاوێژ خوێندکارێکی زانکۆی باختەر لە ئیلام بە ناوی سۆهەیل محەممەدپوور گیراوە و بۆ شوێنێکی نادیار ڕاگوێزراوە.
سۆهەیل محەممەدپوور یەکێک لە چالاکانی خوێندکاریی ئیلامە بە کە هۆی نوسینی کۆمەڵە بابەتێکی ڕەخنەگرانە لەسەر دەستێوەردانی سپا و بەسیج لە چالاکییە فەرهەنگییەکانی زانکۆدا، لەلایەن بەشی ئیتلاعاتی سپای پاسدارانەوە گیراوە.
لە هەواڵێکی دیکەدا ڕۆژی ۲۱ی گەلاوێژیش لە سەرپێڵی زەهاو کەسێک بە ناوی حەیدەر ئەلیاسی گیراوە و دوو ڕۆژ لە زیندانی ناوەندە ئەمنیەتییەکاندا لە ژێر لێکۆڵینەوەدا بووە.
حەیدەر ئەلیاسی بۆیە گیراوە کە کوڕێکی بە شێوەی ناقانوونی ئێرانی بەجێهێشتوە و ئێستا بنەماڵەی حەیدەر ئەلیاسی خراونەتە ژێر فشارەوە کە دەبێ کوڕەکەیان خۆی ڕادەستی ئیتلاعات بکا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code