چاونیوز: دوو کرێکاری ئیدارەی کارەبای شاری پاوە بە هۆی ڕووداوی کارەوە بریندار و گیانیان لە دەستدا.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی پێنجشەممە ٢١ی ڕێبەندانی ١٤٠٠، کرێکارێک بە ناوی “مێهدی حوسێینی” ٣٠ ساڵە و خێزاندار لە کاتی بەستنی تەلی کارەبا تووشی لێدانی کارەبا دەبێ و گیانی لە دەستدەدا.
جێگای ئاماژەیە ئەم ڕووداوە لە شوێنێک بە ناوی “تەپە کۆڵە”ـی شاری پاوە ڕوویداوە و لە هەمان کاتدا کرێکارێکی دیکەش بە ناوی “عێزەت مەنووچێهری” بریندار دەبێ و بۆ چارەسەریی پزشکی ڕەوانەی ناوەندە پزشکیەکانی ئەو شارە کرا.
جێی وەبیرهێنانەوەیە کە لە چەند ڕۆژی ڕابردووداش دوو کرێکاری دیکە بەناوەکانی “تۆفیق حوسێنی و عەبدووڵلا ڕۆحی” لەکاتی کارکردن دا گیانیان لەدەست دابوو.
