کۆڵبەرێکی دیکەی کورد لەپێناو پارووە نانێکدا گیانی لە دەست دا.
ڕۆژی ٢ی بانەمەڕی ١٣٩٨ی هەتاویی کۆڵبەرێکی کورد بە ناوی تاهیر دابان کوڕی عەبدوڵڵا، تەمەن ٣٠ ساڵ خەڵکی گوندی “سنجوێ” ی ناوچەی ئالانی سەردەشت لە نێوان گوندەکانی سنجوێ و دۆڵێ لە کاتی کۆڵبەرییدا کەوتە بەردەسڕێژی چەکی هێزە چەکدارەکانی ڕێژیمی کۆماری ئیسلامیی ئێران و گیانی لەدەست دا.
شایانی باسە لە سەرەتای ئەمساڵەوە تا ئێستا 15 کۆڵبەر و کاسبکاری کورد بەهۆی سیاسەتی دوژمنکارانەی کۆماری ئیسلامی کوژراون و بریندار بوون. هەروەها پارەکەش 242 کۆڵبەر و کاسبکاری کورد بەهۆی تەقەی ڕاستەوخۆ، تەقینەوەی مین، بەربوونەوە لە بەرزایی لە سۆنگەی ڕاوەدوونان و هەروەها ڕەق‌هەڵاتن لە سەرما گیانیان لەدەست دابوو و، بریندار ببوون.
