چاونیوز: ئەمڕۆ پێنج شەممە ١٣ی سەرماوەزی ١٣٩٩، هاونیشتمانییەکی خەڵکی بانە لە پارێزگای سیستان و بەلوچستان بە تەقەی هێزە نیزامییەکان کوژرا.
بە گوێرەی هەواڵی چاونیوز، هێزە نیزامییەکانی کۆماری ئیسلامی ئێران لە شار سەرباز سەر بە پارێزگای سیستان و بەلوچستان بە تەقەی ڕاستەوخۆ هاونیشتمانییەکی خەڵکی بانە بەناوی بێهزاد محەممەدیان کوشت.
سەرچاوەکان باس لەوە دەکەن کە، کاتێک بێهزاد بە ماشێنی کەسی خۆی بەرەو کوردستان دەگەڕاوە دەکەوێتە بۆسەی هێزە نیزامییەکان و بە فیشەکی ڕاستەوخۆ سەری دەپێکرێ و هەر لەوێ گیانی لەدەست داوە.
