چاونیوز: ڕاستییەکی حاشا هەڵنەگر ئەوەیە کە کڕۆنا لە زۆربەی وڵاتانی جیهان زیانی بە هەموو چینەکان گەیاندووە ،بەڵام ئەوەی کە بە سەر کادری دەرمان و چینی کرێکاری بەشە بێهداشتی و تەندرۆستییەکان هاتووە گەلێ زۆرترە.
“تەنانەت ئەگەر بۆ دۆخی جارانیش بگەڕینەوە ،ئاسەواری ئەم ڕەنج و ئازارانە هەتا کوو مردن لەگەڵمانا ئەبێت؛ ئێمە ئەرکی کاری خۆمانە لە خزمەت خەڵکا بین بەڵام خەڵکی ئەوەی کە شایانی ئێمە و بنەماڵەمان بێ نەیانکردووە و بە گوێ نەدانیان بە ڕاسپاردە تەندرۆستییەکان ئێمەیان نائۆمید کردووە”
ئەمە وتەی یەکێ لە مەسئوولینی بەشێکی پەرەستاری خەستەخانەی تەوحیدی سنە بوو.کاتێ کەقسەی ئەکرد بۆغز گەڕووی گرتبوو و زۆریش تووڕە لە هاوکاری نەکردنی خەڵکی شار و گۆندەکان بوو.
ئەو پەرەستارە وتی:
_هاوکاری وامان هەیە کە مانگێکە نەیتوانیوە منداڵە چوار ساڵەکەی لە باوەش بگرێ.لە بەر ئەوەی ترسی ئەوەی هەیە هەڵگری ڤیرۆسەکە بێت.خەڵک ئەگەر گوێیان دابا ئەمە وەزعمان نەبوو.
پرسیم هەموو گلەیەکانتان لە خەڵکە ئەی بەرپرسان:
_ئەوە دەردە گەورەکەیە.ئێتر عادەتمان کردووە .ساڵێکە پارەی ئێزافەکار و پرکەیسیان پێمان نەداوە.هیچ چەشنە یارمەتییەکی رەفاهیمان نییە.
ئەوزاعی کارمەندان و کادری دەرمانی سەرجەم خەستەخانەکانی ئێران هەر ئاوایە.لە سنە دوو خەستەخانە بۆ کڕۆنا تەرخان کراون یەکیان تەوحیدە کە نەخوشانی تەمەن لە هەژدە بەرەو سەر و ئەویتریان بێعسەتە کە منداڵ و لاوانی خوار هەژدەساڵ تییا تیمار دەکرێن.کەمبوونی کادری پەرەستاری لە هەردوو خەستەخانە زەختێکی زۆری بۆ کادری دەرمان هێناوە.بە پێ وتەی بەرپرسێکی دایرەی کارگۆزینی مەعاونەتی هێزی ئێنسانی زانکوی علووم پزێشکی سنە چەن ساڵە لە جێ ئەوانەی خانەنشین کراون کەسیان ئێستێخدام نەکردووە و بووجەی تایبەت بۆ بەکارگیری کادری تازە ئێعتبار نەکراوە.
>>سەرەرای ئەو هەموو زەختە زۆرەی کە لە سەر کادری زەحمەتکێسی دەرمان لە پارێزگای سنە هەیە ،کۆمەڵێ لە کاربەدەستانی نالایق و حەڵقە لەگوێ باندەکان لە زانکوی پزێشکی کوردستان و دەزگاکانی دەرمان بۆ خۆیان حکوومەت ئەکەن و بۆ بەرژوەندی مادی خۆیان دزی نەبووە لەم سیستمە کە نەیکەن.ᐸᐸ
ئەمەش وتەی یەکێ لە دۆکتۆرەکانی خەستەخانەی بێعسەت بوو.ئەو پێوابوو کە مافی کادری دەرمان بە هەموو چینەکانییەوە لە لایەن سیستمەوە پێشێل ئەکرێ.
لە ئاخر دا ئەو شێعرە فارسیەی بۆ هێنامەوە :
خانە از پای بست ویران است …..
لە خەستەخانەی بێعسەت کە دۆکتۆر مۆرادوەیسی کە یەکێ لە باوەڕپێکراوەکانی ئێدارەی ئێتلاعاتە ڕیاسەت و ئەکا خۆی پسپۆڕی منداڵانە،بە هۆی کەمتر خەمی ئەو کەسە پتر لە پەنجا کادری ئەو خەستخانە تووشی کڕۆنا بوون و کەرەنتین کراون.
پەرەستار و کادرەکانی تاقیگە و بەشی تیشک ڕەخنەی زۆریان لە بەرپرسانی بیمارستان بوو .ناڕەزایەتییەکان لە سەر کەمی تەجهیزاتی حفازەتی و پاراستن بۆ کڕۆنا و کەمتر خەمییان بۆ مافە کانیان لە بواری حەقدەست و مووچەوە.
کادری زەحمەتکێش و مافخۆراوی خەدەماتی و نگاهبانەکانی بەشی ئێنتزاماتی هەر دوو خەستەخانەی تەوحید و بێعسەت لە سووک سەیر کردنیان لەم ماوە و پێنەدانی حەقدەس و مووچەی مانگانە و زۆرتر کردنی ماوەی شیفتەکانیان و نەدانی جلوبەرگی پێویست و پارێزگاریکردنیان لە کڕۆنا زۆر تووڕە وگلەییان ئەکرد.
یەکێ لە نەگەهبانەکان کە زۆر ترسی لەوە بوو ئەم ڕاپۆرتە لە نەشریاتی شار بڵاو بکڕێتەوە و دواتر مەسئوولینی حەراسەت کە نوێنەری ڕاستەوخۆی ئێدارەی ئێتلاعات لە دەزگا دەڵەتیەکانن پێیان بزانن و لە کار دەریان بکەن، ئەیوت کە:
_وەزعی ئێمە و پرسنلی خەدەماتی لە هەموو هاوکارانی دیکەی بیمارستان خراوترە،ئێمە یەکەم ویستگەی هاتنی نەخۆشانی کڕۆنایین و هیچ ئێمکاناتێکی وامان نییە و بە نێسبەت هێزی ئێنسانی زۆر کەمبوودمان هەیە و حەراسەت بە زەبر و زۆر دەیئەێت کارەکان بەڕێوە بچن.
بەرپرسی حەراسەت لە خەستەخانەی بێعسەت کەسێکە بە ناوی یووسفوەند کە ساڵەهایە لە هەموو خەستەخانەکانی ئەم شارە خۆی حەساوە و گوێ لە کەس
نادات و تەنیا زۆر ئێژێت.
دەردەدڵ و ڕەخنەکانی پزێشکانی هەردوو خەستەخانە زۆر ڕاست و مایەی داخ بوون.گلەیی و گازندەیان لە سیستمی بەڕێوبەری مەعاونەتی دەرمان بوو؛بە تایبەت بەرپرسی پێشووتری کە کەسێکی زۆر بەدناو لە ناو کادری دەرمان و پزێشکان بە ناوی هوومەنی قەسری کە ماویەکی لەوەو بەر بەر هۆی ئێعترازی زۆر و دەرکەوتنی دزی و گەندەلییەکانی لا برا وئێستا دۆکتر جدیدالاسلامی ناوێکە کە ڕەئیسی خەستەخانەی تەوحید بوو و لە جێی ئەو دۆکتر باقرییان داناوە و ئەزموونێکی وەهای لە ڕیاسەت لە وەها بارودۆخێک نەبووە و ئەوەش یەکێ لە نیگەرانییەکانی کادری دەرمانی ئەو خەستەخانە بوو.
دال.ئاژوان
