چاونیوز: چالاکێکی سینەمایی خەڵکی سەز بە دانانی بارمتە بەشێوەی کاتی لە زیندانی ئەو شارە ئازاد کرا.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی شەممە ٧ی ڕەشەممەی ١٤٠٠، چالاکێکی سینەمایی خەڵکی شاری سەقز بەناوی “میقداد(کاردۆخ) حەسەن نژاد) بە دانانی بارمتەی ٣٠٠ میلیۆن تمەنی بەشێوەی کاتی هەتا بەڕێوەچوونی دادگا لە بەندیخانەی ئەو شارە ئازاد کرا.
ئەو هاونیشتمانییە ڕۆژی شەممە ٩ی ڕێبەندان بەبێ هیچ بەڵگەیەکی قەزایی لەلایەن هێزەکانی ئیدارەی ئیتلاعات دەسبەسەر و لەو ماوەیەدا لە مافی هەبوونی پارێزەر یان چاوپێکەوتنی بنەماڵەکەشی بێبەش کرابوو.
هەتا ئێستا لە هۆکاری گرتن و تۆمەتە وەپاڵدراوەکان بۆسەر ئەو چالاکە هونەرییە زانیارییەکی ڕوون لەبەردەست دا نییە.
