چاونیوز:دوکتور ئەکبەر(هیوا) حەیدەرپوور وەرزشڤانی ناسراوی دێهلۆران لەلایەن هێزە ئیتلاعاتییەکانەوە دەسبەسەر کرا.
بەپێی هەواڵی چاونیوز، ڕۆژی هەینی٢٧ی خاکەلێوەی ساڵی ١٤٠٠، دکتور ئەکبەر (هیوا) حەیدەرپور، وەرزشوانی دیاریی دێهلوڕان سەر بە پارێزگای ئیلام لە لایەن هێزە ئەمنیەتییەکانەوە بەبێ پێبوونی هیچ بەڵگەیەکی قەزایی دەستبەسەر و بۆ شوێنێکی نادیار گوازرایەوە.
هیوا حەیدەرپوور بروانامەی دوکتۆرای نێودەوڵەتی هونەرە ڕەزمییەکانی لە فێدراسۆنی جیهانیی WFSF وەرگرتووە و ئەندامی کۆڕی ئولەمپیکی خویندکاریی ئاسیا و کۆڕی وەرزشی پۆلیسی نیودەوڵەتی( ئێنترپۆل) و مامۆستای پلە یەکی فێدراسۆنی ڤۆشۆی ئێران و دامەزرێنەری ڤۆشۆی شاری دێهلوڕانە.
