چاونیوز: دوو چالاکی کرێکاری ژن لە تاران لەلایەن هێزە ئیتلاعاتییەکانەوە دەسبەسەر کران.
بە پێی هەواڵی چاونیوز، ڕۆژی سێ شەممە ١٥ی ڕەزبەری ١٣٩٩، هێزەکانی ئیدارەی ئیتلاعات لە شاری تاران شەش چالاکی کرێکاری دەگرن و دەیانگوازنەوە بۆ گرتنگەی ئەو ئیدارەیە لە تاران، لەم نێوەدا دوو چالاکی ژنی کورد بەناوەکانی “ئەندێشە سەدری و نەدا پیرخزریان” لە دەسبەسەر کراوەکانن.
ئەندیشە سەدری قوتابی هونەر و نیگارکێشی-یە و نەدا پیرخزریان کچی هونەرمەندی پەیکەرتاش و زیندانی سیاسی پێشوویە کە هەتا ئێستا چارەنووسیان ناڕوونە.
سەرچاوەکان باس لەوە دەکەن کە، شەبنەم ئاشووری(خاوەن ئیمتیازی بڵاوکراوەی “آگاهنامە”)، ئەلوار قولی وەند، ئارەش جەوهەری و والە زەمانی، ئە چوار کەسەی ترن کە بە تۆمەتی چالاکی و بانگەشە بۆ ڕەوتی کرێکاری گیراون.
