چاونیوز: چالاکێکی سیاسیی کورد لە وڵاتی یونان بۆ جاری سێهەم دادگایی کرایەوە و بێ تاوان ناسرا.
بەپێی هەواڵی گەیشتوو بە چاونیوز، ئەمڕۆ چوارشەممە یەکی گوڵان، دادگای شاری “سالۆنیک” لە وڵاتی یونان بۆ جاری سێهەم چالاکی سیاسی “جەلال پیرۆتی” کە لەسەر داوای کۆماری ئیسلامی ئێران دوای گەیشتنی بۆ وڵاتی یونان دەسبەسەر و مەترسی دیپۆڕت کردنەوەی لەسەر بوو دادگایی کرد و لە ئاکام دا بێ تاوان ناسرا و بڕیارە بە زووترین کات لە زیندان ئازاد بکرێ.
جەلال پیرۆتی ئەندامی حیزبی دێموکراتە کە لە ڕێکەوتی ٢٣ی خەرمانانی ١٣٩٩، لەسەر داوای وەزارەتی دەرەوەی ڕێژیمی کۆماری ئیسلامی ئێران گیرابوو.
