تەکمیلی…
چاونیوز: کۆڵبەرێکی کورد لە ناوچە سنوورییەکانی دەڤەری ورمێ بریندار کرا.
بە پێی هەواڵی چاونیوز: ئەمڕۆ یەکشەممە ۹ی سەرماوەزی ۱۳۹۹، هێزەکانی کۆماری ئێسلامی ئێران لە سنووری ورمێ تەقەیان لە دەستەیەک کۆڵبەر کردووە کە لە ئاکام دا کۆڵبەرێکی تەمەن ۲٤ ساڵە بە ناوی ئایهان خدری خەڵکی ئاوایی کوران سەر بە ناوچەی سۆما و برادۆست بەسەختی بریندار بووە.
هەروەک لە هەواڵی پێشوومان دا کە بەپەلە هاتبوو، ئاماژە بەوە کرابوو کە ئەو کۆڵبەرە لەبەر سەختی برینەکانی گیانی لەدەست داوە، بەڵام وەک سەرچاوەکان باس دەکەن ناوبراو بەخۆشییەوە زیندووە و ئێستا لە نەخۆشخانەیەکی ورمێ لە ژێر چاوەدێری پزیشکی دایە.
