بەرەبەیانی یەک‌شەممە ٢٤ی بەفرانابری ١٤٠٢، چەند کۆڵبەر بە هاویشتنی بەرد لەلایەن هێزەکانی هەنگی مەرزییەوە بە سەختی برینداربوونە کە دوو کۆڵبەریان تەمەنیان ژێر ١٨ ساڵ بووە.
ئەو دوو کۆڵبەرە مێرمناڵە بریتین لە؛ “نەوید ئەعزەمی” و “ئارەش کەریمی” خەڵکی جوانڕۆ کە سەروچاویان بە سەختی بریندار بووە و بۆ چارەسەری ڕەوانەی نەخۆشخانە کراون.
جێگای ئاماژەیە کە؛ لە ماوەی چەند ڕۆژی ڕابردوودا لانیکەم چوار کۆڵبەری دیکە بەناوەکانی “هادی مەنسووری، پارسا زولفەقاری، بورهان ڕەحیمی خەڵکی ڕوانسەر، هەروەها نەبی وەیسی خەڵکی جوانڕۆ لە سنووری نەوسوود بریندار کرابوون.
