چاونیوز: لە ئاکامی هێرشی هێزەکانی یەکەی تایبەتی ڕێژیم بۆ سەر گوندی “سووران کاکاوەند” سەر بە شاری هەرسین و وڵامدانەوەی خەڵکی گوندەکە، ٥ کەس لە هێزەکانی ڕێژیم بە توندی بریندار بوون.
بە پێی هەواڵی چاونیوز وەرگیراو لە کوردستان و کورد، چەند ڕۆژ پێش هێزەکانی یەکەی تایبەتی ڕێژیم بۆ سەرکوتی خەڵکی گوندی “سووران کاکاوەند” سەر بە شاری هەرسین لە پارێزگای کرماشان، دەچنە ئەو گوندە و سەرەڕای بێڕێزی کردن تەقە لە خەڵکی گوندەکە دەکەن و کەسێکی خەڵکی ئەو گوندە بریندار دەکەن، لە وڵامدا خەڵک هێرش دەکەنە سەر هێزە سەرکوتکەرەکان و ٥ کەس لەو چەکدارانە بە توندی بریندار دەکەن و دوای چەند ڕۆژ یەکێک لە چەکدارەکانی هێزی ئینتیزامیی بە هۆی سەختی برینەکەیەوە گیانی لەدەست دا و ئێستاش هێزەکانی ڕێژیم دەستیان کردوە بە ئەزیەت و ئازاری خەڵکی گوندەکانی سووران و گرەبان کە کوردانی یارسانی لێ دەژین.(وێنەی؛ ئارشیو)
